കോൺഗ്രസ് സ്ഥാനാർഥി പട്ടിക കേന്ദ്ര തിരഞ്ഞെടുപ്പ് കമ്മറ്റിക്ക് കൈമാറും

ന്യൂ ഡൽഹി: കോൺഗ്രസ് പട്ടിക സ്ക്രീനിംഗ് കമ്മിറ്റി കേന്ദ്ര തിരഞ്ഞെടുപ്പ് കമ്മറ്റിക്ക് കൈമാറും. ഉമ്മൻ ചാണ്ടി മത്സരിക്കണം എന്ന നിലപാടിലാണ് സംസ്ഥാന നേതൃത്വം. എന്നാൽ മത്സരിക്കില്ലെന്ന നിലപാടിലുറച്ചാണ് ചാണ്ടി.  ഡൽഹിയിലേക്ക് ഉമ്മൻ ചാണ്ടി പോകുന്നില്ലെന്നും വ്യക്തമാക്കി. ഇന്ന് വൈകിട്ട് കേന്ദ്ര തിരഞ്ഞെടുപ്പ് കമ്മറ്റി മീറ്റിംഗിൽ അന്തിമ സ്ഥാനാർഥി പട്ടിക നിർമ്മാണത്തിന്റെ നടപടികൾ ആരംഭിക്കും. ഒരു മണ്ഡലത്തിലൊരു സ്ഥാനാർഥി എന്ന കാര്യം നിജപ്പെടുത്താൻ ഇതുവരെയും കഴിഞ്ഞിട്ടില്ല. സിറ്റിംഗ് എം.പി. മാരുടെയും, സിറ്റിംഗ് എം.എൽ.എ മാരുടെയും കാര്യത്തിൽ ഹൈ കമ്മന്റിന്റെ അനുമതി വേണം.