ബിജെപി- സിപിഎം ഡീൽ ആരോപണം; മുസ്ലീം വോട്ടിനായി കോൺഗ്രസ് തെലങ്കാനയിൽ പയറ്റിയ തന്ത്രമെന്ന് രാജീവ് ചന്ദ്രശേഖർ

ഇരു മുന്നണികളും പറയുന്നത് വിശ്വസിക്കാൻ കേരളത്തിലെ ജനങ്ങൾ വിഡ്ഢികളാണെന്നാണ് അവരുടെ ധാരണയെന്നും കേരളത്തിലെ രാഷ്ട്രീയ സാഹചര്യം കാണുമ്പോൾ ഇതൊരു വലിയ തമാശയായിട്ടാണ് തോന്നുന്നതെന്നും രാജീവ് ചന്ദ്രശേഖർ വാർത്താ ഏജൻസിയായ ANI യോട് പറഞ്ഞു.

ഒരു വിഭാഗത്തിന്റെ അതായത് മുസ്ലിം വിഭാഗത്തിന്റെ വോട്ടുകൾ ലക്ഷ്യം വെച്ചാണ് ഇത് പാർട്ടികളും ഈ നാടകം കളിക്കുന്നത്.ബിജെപിയെ തങ്ങൾ മാത്രമാണ് എതിർക്കുന്നത് എന്ന് വരുത്തി തീർത്ത് മുസ്ളീം വോട്ട് നേടാനാണ് ഇരു മുന്നണികളുടെയും ശ്രമം.

തെലുങ്കാനയിൽ ഇതേ തന്ത്രം പയറ്റിയാണ് കോൺഗ്രസ് വിജയിച്ചത്. അവിടെ ഭരണകക്ഷിയായിരുന്ന ബിആർഎസ് ബിജെപിയുടെ ബി-ടീം ആണെന്ന് വരുത്തിതീർത്തു. അങ്ങനെ മുസ്ലിം വോട്ടുകൾ കോൺഗ്രസ് നേടിയെടുത്തു. ഈ നാടകം കേരളത്തിലും ആവർത്തിക്കാമെന്നാണ് അവർ കരുതുന്നത്. കേരളത്തിലെ ജനങ്ങളെ നിങ്ങൾക്ക് എപ്പോഴും വിഡ്ഢികളാക്കാൻ പറ്റില്ലെന്നാണ് കോൺഗ്രസ് നേതൃത്വത്തോടും മുഖ്യമന്ത്രി പിണറായി വിജയനോടും എനിക്ക് പറയാനുള്ളത്.നിങ്ങളുടെ 70 വർഷത്തെ അഴിമതിയും അവഗണനയും രാഷ്ട്രീയവും ജനങ്ങൾ തിരിച്ചറിഞ്ഞു കഴിഞ്ഞു.ഇപ്പോൾ അവർക്ക് മതിയായി ഇരിക്കുകയാണ്.

യു.ഡി.എഫിന്റെ രമേശ് പിഷാരടിക്ക് ലഭിക്കുന്ന ന്യൂനപക്ഷ വോട്ട് ഭിന്നിപ്പിച്ച് ശോഭാ സുരേന്ദ്രനെ ജയിപ്പിക്കാനാണ് എൻ.എം.ആർ. റസാഖ് എന്ന സ്വതന്ത്ര സ്ഥാനാർഥിയെ സി.പി.എം നിർത്തിയതെന്നാണ് കോൺഗ്രസ് ആരോപണം.

കോലീബി എന്ന പഴയ കോൺഗ്രസ് ബിജെപി ലീഗ് സഖ്യം ഇപ്പോഴും ഉണ്ട് എന്നാണ് പിണറായി വിജയൻ അടക്കമുള്ള സിപിഎം നേതാക്കൾ ആരോപിക്കുന്നത്