'കേരളം വികസിച്ചു, ബംഗാളിന് എന്തുപറ്റി?' രാഹുൽ ഗാന്ധിയോട് അതിഥി തൊഴിലാളി; മൈക്ക് തട്ടിപ്പറിച്ച് കോൺഗ്രസ് പ്രവർത്തകർ

കൊച്ചിയിൽ രാഹുൽ ഗാന്ധി പങ്കെടുത്ത പരിപാടിക്കിടെ വികസന കാര്യത്തിൽ ചോദ്യമുന്നയിച്ച് അതിഥി തൊഴിലാളി. കേരളം കൈവരിച്ച വികസനം എന്തുകൊണ്ട് ബംഗാളിൽ ഉണ്ടാകുന്നില്ല എന്നായിരുന്നു യുവാവിന്റെ ചോദ്യം. എന്നാൽ യുവാവ് ചോദ്യം ചോദിച്ചു തുടങ്ങിയതോടെ കോൺഗ്രസ് നേതാക്കൾ ഇടപെട്ട് മൈക്ക് തട്ടിപ്പറിച്ചത് ചർച്ചകൾക്ക് ഇടയാക്കി. നേതാക്കളുടെ പെരുമാറ്റത്തിനെതിരെ വലിയ വിമർശനമാണ് ഉയരുന്നത്. സംഭവത്തിന്റെ വീഡിയോ ദൃശ്യങ്ങൾ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്.