COVID 19: ചെങ്ങളം സ്വദേശികൾ ചികിത്സക്കെത്തിയ കോട്ടയത്തെ ക്ലിനിക് പൂട്ടിച്ചു
- Published by:Aneesh Anirudhan
- news18-malayalam
Last Updated:
കോട്ടയം തിരുവാതുക്കലിലെ ക്ലിനിക്കാണ് പൂട്ടിച്ചത്.
കോട്ടയം: കോവിഡ് ബാധിച്ച ചെങ്ങളം സ്വദേശികൾ ചികിത്സക്കെത്തിയ ക്ലിനിക് പൂട്ടിച്ചു. കോട്ടയം തിരുവാതുക്കലിലെ ക്ലിനിക്കാണ് പൂട്ടിച്ചത്. നാട്ടുകാരുടെ പരാതിയെ തുടർന്നാണ് നടപടി.
ചെങ്ങളം സ്വദേശികളായ 2 പേര്ക്ക് കോവിഡ് 19 സ്ഥിരീകരിച്ചതോടെയാണ് ക്ലിനിക് പൂട്ടണമെന്ന ആവശ്യവുമായി നാട്ടുകാർ രംഗത്തെത്തിയത്. കോട്ടയം-കുമരകം റോഡരികിലാണ് ഇവരുടെ വീട്. വീടിനു സമീപത്തെ ഏതാനും കടകള് ഇന്നലെ അടച്ചിരുന്നു.
യുവാവിന്റെ പിതൃസഹോദരങ്ങളും അവരുടെ കുടുംബങ്ങളും വീടുകളില് തന്നെ കഴിയുകയാണ്. ആരോഗ്യ പ്രവര്ത്തകര് ഇവരുടെ വീടുകളില് എത്തി വിവരങ്ങള് അന്വേഷിച്ചു. യുവാവിന്റെ 10 കൂട്ടുകാരുടെ പേരും അവര് ബന്ധപ്പെട്ടവര് ഉള്പ്പെടെ 50 പേരുടെ പട്ടികയും ആരോഗ്യ വകുപ്പ് തയാറാക്കിയിട്ടുണ്ട്.
ചെങ്ങളം മേഖലയിലെ ക്ഷേത്രങ്ങളിലെയും പള്ളിയിലെയും ആളുകള് കൂടുന്ന പരിപാടികള് മാറ്റി. ക്ഷേത്രങ്ങളിലും പള്ളികളിലും ചടങ്ങുകള് മാത്രം ആക്കി. തിരുവാര്പ്പ്, കുമരകം പഞ്ചായത്തുകള് നിശ്ചയിച്ചിരുന്ന പരിപാടികളും മാറ്റി.
advertisement
RELATED STORIES:COVID 19 | റാന്നിയിലെ ഇറ്റലിക്കാരടക്കമുള്ള ഏഴു രോഗബാധിതർ ആറു ദിവസം യാത്ര ചെയ്തത് എവിടെയൊക്കെ? [NEWS]Covid 19 | ഇറ്റലിയിൽ നിന്നെത്തിയ 3 വയസുകാരിയുടെ മാതാപിതാക്കൾക്കും രോഗബാധ; സംസ്ഥാനത്ത് 1495 പേര് നിരീക്ഷണത്തില് [NEWS]കോവിഡ് 19: കേരളത്തിൽ ചൊവ്വാഴ്ച നടന്ന 30 പ്രധാന കാര്യങ്ങൾ എന്തൊക്കെ? [NEWS]
ചെങ്ങളത്തെ ഈ കുടുംബമാണ് കൊച്ചി വിമാനത്താവളത്തിൽ നിന്നും ഇറ്റലിയിൽ നിന്നെത്തിയവരെ റാന്നിയിൽ എത്തിച്ചത്. ചെങ്ങളം സ്വദേശിയായ യുവാവിന്റെ ഭാര്യാപിതാവും മാതാവും സഹോദരനുമാണ് ഇറ്റലിയിൽ നിന്നും എത്തിയത്. ഇവരെ റാന്നിയിൽ എത്തിച്ചശേഷം ചെങ്ങളത്ത് മടങ്ങി എത്തുകയായിരുന്നു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Mar 11, 2020 11:13 AM IST
മലയാളം വാർത്തകൾ/ വാർത്ത/Kerala/
COVID 19: ചെങ്ങളം സ്വദേശികൾ ചികിത്സക്കെത്തിയ കോട്ടയത്തെ ക്ലിനിക് പൂട്ടിച്ചു
