ടി എന്‍ പ്രതാപനെ സ്ഥാനാർഥിത്വത്തിൽനിന്ന് മാറ്റിയതിൽ പ്രതിഷേധവുമായി ധീവരസഭ

പോസ്റ്ററുകളും ചുവരെഴുത്തുകളുമായി പ്രചാരണം അടക്കം ആരംഭിച്ചിട്ടും അവസാന നിമിഷം ഉണ്ടായ മാറ്റത്തെ തുടര്‍ന്ന് കെ.മുരളീധരനായി തൃശൂര്‍ ലോക്സഭ സീറ്റില്‍ നിന്ന് സിറ്റിങ് എംപി കൂടിയായ ടി.എന്‍ പ്രതാപന് മാറിനില്‍ക്കേണ്ടി വന്നിരിക്കുകയാണ്. പത്മജ വേണുഗോപാലിന്‍റെ ബിജെപി പ്രവേശനത്തോടെയാണ് വടകരയില്‍ നിന്ന് കെ.മുരളീധരനെ തൃശൂരിലേക്ക് കോണ്‍ഗ്രസ് നേതൃത്വം നിയോഗിച്ചത്. സ്ഥാനാര്‍ഥി മാറ്റത്തെ കുറിച്ചുള്ള മാധ്യമങ്ങളുടെ ചോദ്യത്തോട് ടി.എന്‍ പ്രതാപന്‍റെ മറുപടി ഇങ്ങനെ. ‘ടി.എന്‍ പ്രതാപന്‍ എന്ന പേര്  തൃശൂരിന്‍റെ ഹൃദയത്തിലെ വര്‍ണം വറ്റാത്ത പുസ്തകത്താളിൽ ഇനിയൊരു മയില്‍പ്പീലിയായി ഉണ്ടാകും’.