ബെവ്കോ പ്രീമിയർ കൗണ്ടറുകളില്‍ ഫെബ്രുവരി 15 മുതല്‍ ഡിജിറ്റൽ പേമെന്റ് മാത്രം

ഉത്തരവ് നടപ്പാക്കണമെന്ന നിർദശം എല്ലാ ജില്ലകളിലേക്കും കൈമാറിയിട്ടുണ്ട്. കർശനമായി നടപ്പാക്കണമെന്ന നിർദേശമാണ് നൽ‌കിയിട്ടുള്ളത്. ഡിജിറ്റൽവൽക്കരണത്തിന്റെയും നവീകരണത്തിന്റെയും ഭാഗമായാണ് തീരുമാനമെന്നാണ് ബെവ്കോ അധികൃതരുടെ വിശദീകരണം.

എന്നാൽ‌, പ്രീമിയം കൗണ്ടറുകളിലെ ഇടപാട് പൂർണമായും ഡിജിറ്റൽ വഴിയാക്കുന്നത് ഉപഭോക്താക്കളുമായുള്ള തർക്കത്തിന് കാരണമാകുമെന്ന ഭയം ജീവനക്കാർക്കുണ്ട്. എന്തെങ്കിലും കാരണവശാല്‍ നെറ്റ്വർക്കിംഗിന് തടസംനേരിട്ടാൽ വലിയ തർക്കങ്ങൾക്ക് വഴിവെക്കുമെന്ന ആശങ്ക ജീവനക്കാർ പങ്കുവക്കുന്നു. മാത്രമല്ല, മദ്യം വാങ്ങാനെത്തുന്നവരിൽ നല്ലൊരു ശതമാനവും സാധാരണഗതിയിൽ രഹസ്യസ്വഭാവം സൂക്ഷിക്കുന്നവരാണ്. ഗൂഗിള്‍ പേയും കാർഡുവഴിയും ബെവ്കോ ഔട്ട്ലറ്റുകളില്‍‌ ഇടപാട് നടത്തുന്നവർ, ബാങ്ക് സ്റ്റേറ്റ്മെന്റ് എടുക്കുമ്പോൾ ഇക്കാര്യങ്ങള്‍ ഇതിൽ തെളിയുമെന്നതിനാൽ മദ്യം വാങ്ങാനെത്തുന്നവർക്കും പരാതിയുണ്ടാകാൻ സാധ്യതയുണ്ട്.

Summary: The Beverages Corporation (Bevco) is making digital payments mandatory at its premium liquor counters across the state. It has been decided to phase out cash transactions at these counters, moving exclusively to digital methods such as UPI and Cards. Cash will not be accepted at premium counters starting from February 15. The Bevco Managing Director has issued a circular instructing outlets to stop accepting cash from this date.