ദീപാവലി ലഡു കൊടുത്തില്ല; 6 ജില്ലകളിലേക്കുള്ള എൽപിജി നീക്കം നിലച്ചു

സ്ഥിരം ജീവനക്കാർക്കും കയറ്റിറക്ക് തൊഴിലാളികൾക്കും ദീപാവലിയുടെ ഭാഗമായി മധുര പലഹാരപ്പെട്ടി വിതരണം ചെയ്തിരുന്നു. എന്നാൽ, ട്രക്ക് ഡ്രൈവർമാർക്ക് ഇത് ലഭിച്ചില്ല. ഇതോടെ തങ്ങളെ അപമാനിച്ചുവെന്ന് ആരോപിച്ച് ഡ്രൈവർമാർ രാവിലെ 6 മണി മുതലുള്ള ഷിഫ്റ്റിൽ പണിമുടക്കുകയായിരുന്നു.

രാവിലെ 9 മണി കഴിഞ്ഞിട്ടും പ്രശ്‌നത്തിന് പരിഹാരമാകാതെ വന്നതോടെ കയറ്റിറക്ക് തൊഴിലാളികൾ തിരിച്ചുപോവുകയും ചെയ്തു. ഇതോടെ 6 ജില്ലകളിലേക്കുള്ള സിലിണ്ടർ നീക്കം ഏറെനേരം പൂർണ്ണമായി നിലച്ചു. ഉച്ചയോടെയാണ് പ്രശ്‌നം പരിഹരിച്ചത്. ഞായറാഴ്ചയും തിങ്കളാഴ്ചയും പൊതുഅവധിയായിരുന്നതിനാൽ സിലിണ്ടർ നീക്കം നടന്നിരുന്നില്ല. ഇതിനു പിന്നാലെ ഇന്നലെ പണിമുടക്കുകൂടി ഉണ്ടായതോടെ പല ജില്ലകളിലും പാചകവാതക ക്ഷാമം രൂക്ഷമായി. സംഭവത്തിൽ പ്രതികരിക്കാൻ ബിപിസിഎൽ അധികൃതർ തയ്യാറായില്ല.