'അശീല്‍ അല്ല അഷീല്‍'; വാശിയുടെ 'ശ' അല്ല, ക്ഷമയുടെയും കഷ്ടപ്പാടിന്റെ 'ഷ'ആണെന്ന് രാഹുല്‍ മാങ്കൂട്ടത്തിലിന് ഡോ. മുഹമ്മദ് അഷീലിന്റെ മറുപടി

വിമർശനം ഉന്നയിച്ച യൂത്ത് കോണ്‍ഗ്രസ് നേതാവ് രാഹൂല്‍ മാങ്കൂട്ടത്തിന് മറുപടിയുമായി സാമൂഹ്യസുരക്ഷാ മിഷന്‍ ഡയറക്ടര്‍ ഡോ. മുഹമ്മദ് അഷീല്‍. കോവിഡിന്റെ പശ്ചാത്തലത്തില്‍ തൃശൂര്‍ പൂരം മാറ്റിവയ്ക്കണമെന്ന് നിലപാടെടുത്ത മുഹമ്മദ് അഷീൽ മുഖ്യമന്ത്രിയുടെ കോവിഡ് പ്രോട്ടോക്കോൾ ലംഘനത്തെ കുറിച്ച് പ്രതികരിക്കാത്തത് അശ്ലീലമായിപ്പോയെന്നായിരുന്നു രാഹുലിന്റെ പരിഹാസം. പൂരം വേണ്ടെന്നു പറയാന്‍ കാണിച്ച ധൈര്യം പോലെതന്നെ മനുഷ്യ ജീവനുകളേക്കാള്‍ വലുതല്ല മുഖ്യമന്ത്രിയുടെ 'തെരഞ്ഞെടുപ്പ് താരനിശ' എന്ന് 'ഉറപ്പിച്ച്' പറയുവാന്‍ താങ്കള്‍ക്ക് 'ഉറപ്പില്ലാതെ ' പോയത് എന്തുകൊണ്ടാണെന്നും രാഹുല്‍ ചോദിച്ചിരുന്നു.