സെക്കുലര് വിവാഹങ്ങളെ പ്രോത്സാഹിപ്പിക്കും; ലവ് ജിഹാദ് ഒരു നിര്മ്മിത കള്ളം; ഷെജിനും ജ്യോത്സനയ്ക്കും പിന്തുണയുമായി DYFI
- Published by:Jayesh Krishnan
- news18-malayalam
Last Updated:
മതേതര വിവാഹങ്ങളെ പ്രോത്സാഹിപ്പിക്കുമെന്നും ഇരുവരേയും പിന്തുണയ്ക്കുന്നുവെന്നും ഡിവൈഎഫ്ഐ
കോഴിക്കോട്: കോടഞ്ചേരിയിലെ ഡിവൈഎഫ്ഐ നേതാവും ജ്യോത്സനയും തമ്മിലുള്ള വിവാഹത്തെ തുടര്ന്നുണ്ടായ വിവാദത്തില് പ്രതികരിച്ച് ഡിവൈഎഫ്ഐ. വിവാഹത്തെ തുടര്ന്ന് ഉയര്ന്നു വന്ന വിവാദം അനാവശ്യവും നിര്ഭാഗ്യകരവുമാണെന്ന് ഡിവൈഎഫ്ഐ. ലവ് ജിഹാദ് നിര്മ്മിത കളളമാണ്. മതേതര വിവാഹങ്ങളെ പ്രോത്സാഹിപ്പിക്കുമെന്നും ഇരുവരേയും പിന്തുണയ്ക്കുന്നുവെന്നും ഡിവൈഎഫ്ഐ ഇറക്കിയ പ്രസ്താവനയില് പറഞ്ഞു.
പ്രായപൂര്ത്തിയായ രണ്ട് പേരുടെ വിവാഹമെന്നത് തീര്ത്തും അവരുടെ മാത്രം സ്വകാര്യമായ വിഷയമാണ്. ജാതി-മത-സാമ്പത്തിക-ലിംഗ ഭേദമില്ലാതെ പരസ്പരം പ്രണയിക്കുകയും ഒന്നിച്ചു ജീവിക്കാന് ആഗ്രഹിക്കുകയും ചെയ്യുന്നവര്ക്ക് പിന്തുണ നല്കുക എന്നതാണ് ഡിവൈഎഫ്ഐയുടെ പ്രഖ്യാപിത നിലപാട്.
മതേതര വിവാഹങ്ങള് പ്രോത്സാഹിപ്പിക്കാന് സെക്കുലര് മാട്രിമോണി വെബ് സൈറ്റ് തുടങ്ങുകയും മതേതര വിവാഹങ്ങള്ക്ക് പിന്തുണ നല്കുകയും ചെയ്ത പ്രസ്ഥാനമാണ് ഡിവൈഎഫ്ഐ എന്നും പ്രസ്താവനയില് പറയുന്നു. കേരളത്തിന്റെ മത നിരപേക്ഷ സാംസ്കാരിക പൈതൃകത്തില് വിള്ളല് വീഴ്ത്താന് സ്ഥാപിത ശക്തികള് മനഃപൂര്വം കെട്ടി ചമച്ച അജണ്ടയാണ് ലവ് ജിഹാദ് എന്ന പ്രയോഗം.
advertisement
ഡിവൈഎഫ്യുടെ പ്രസ്താവന
സെക്കുലര് വിവാഹങ്ങളെ പ്രോത്സാഹിപ്പിക്കും;ലവ് ജിഹാദ് ഒരു നിര്മ്മിത കള്ളം: ഡിവൈഎഫ്ഐ
ഡിവൈഎഫ്ഐ കണ്ണോത്ത് മേഖലാ സെക്രട്ടറി സഖാവ് ഷെജിന് എം.എസും പങ്കാളി ജോയ്സനയും തമ്മിലുള്ള വിവാഹത്തെ തുടര്ന്ന് ഉയര്ന്നു വന്ന വിവാദം അനാവശ്യവും നിര്ഭാഗ്യകരവുമാണ്. പ്രായപൂര്ത്തിയായ രണ്ട് പേരുടെ വിവാഹമെന്നത് തീര്ത്തും അവരുടെ മാത്രം സ്വകാര്യമായ വിഷയമാണ്. ജാതി-മത-സാമ്പത്തിക-ലിംഗ ഭേദമില്ലാതെ പരസ്പരം പ്രണയിക്കുകയും ഒന്നിച്ചു ജീവിക്കാന് ആഗ്രഹിക്കുകയും ചെയ്യുന്നവര്ക്ക് പിന്തുണ നല്കുക എന്നതാണ് ഡിവൈഎഫ്ഐയുടെ പ്രഖ്യാപിത നിലപാട്. മതേതര വിവാഹങ്ങള് പ്രോത്സാഹിപ്പിക്കാന് സെക്കുലര് മാട്രിമോണി വെബ് സൈറ്റ് തുടങ്ങുകയും മതേതര വിവാഹങ്ങള്ക്ക് പിന്തുണ നല്കുകയും ചെയ്ത പ്രസ്ഥാനമാണ് ഡിവൈഎഫ്ഐ.
advertisement
മതേതര വിവാഹ ജീവിതത്തിന്റെ വലിയ മാതൃകകള് കാട്ടി തന്ന അനേകം നേതാക്കള് ഡിവൈഎഫ്ഐക്ക് കേരളത്തില് തന്നെയുണ്ട്. കേരളത്തിന്റെ മത നിരപേക്ഷ സാംസ്കാരിക പൈതൃകത്തില് വിള്ളല് വീഴ്ത്താന് സ്ഥാപിത ശക്തികള് മനഃപൂര്വം കെട്ടി ചമച്ച അജണ്ടയാണ് ലവ് ജിഹാദ് എന്ന പ്രയോഗം. ബഹുമാനപ്പെട്ട മുഖ്യമന്ത്രി പിണറായി വിജയന് തന്നെ കണക്കുകള് നിരത്തി നിയമ സഭയിലും പൊതുമധ്യത്തിലും ആവര്ത്തിച്ചു വ്യക്തമാക്കിയ കാര്യമാണ് ലവ് ജിഹാദ് എന്നൊന്ന് കേരളത്തിലില്ലെന്ന കാര്യം. സ്ഥാപിത വര്ഗ്ഗീയ താത്പര്യക്കാര് പൊതു ബോധമായി ഇത്തരം വിഷയങ്ങള് നിര്മ്മിച്ചെടുക്കാന് ശ്രമിക്കുന്നത് ഗൗരവപൂര്വ്വം കാണണം.
advertisement
കലയിലും രാഷ്രീയത്തിലും ജീവിതത്തിന്റെ സമസ്ത മേഖലയിലും മതം തീവ്രവാദം പിടി മുറുക്കാന് ശ്രമിക്കുന്ന വര്ത്തമാന കാലത്ത് സഖാവ് ഷെജിനും ജോയ്സ്നയും മത നിരപേക്ഷ വൈവാഹിക ജീവിതത്തിന് ഉദാഹരണവും പുരോഗമന ബോധം സൂക്ഷിക്കുന്ന യുവതയ്ക്ക് മാതൃകയുമാണ്. ഇരുവര്ക്കും ഡി.വൈ.എഫ്.ഐ എല്ലാവിധ പിന്തുണയും നല്കും.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Apr 13, 2022 7:50 AM IST
മലയാളം വാർത്തകൾ/ വാർത്ത/Kerala/
സെക്കുലര് വിവാഹങ്ങളെ പ്രോത്സാഹിപ്പിക്കും; ലവ് ജിഹാദ് ഒരു നിര്മ്മിത കള്ളം; ഷെജിനും ജ്യോത്സനയ്ക്കും പിന്തുണയുമായി DYFI
