HOME » NEWS » Kerala » DYFI TAKES A COVID POSITIVE STUDENT TO THE EXAMINATION HALL

കോവിഡ് പോസിറ്റീവായ വിദ്യാർഥിനിയെ പരീക്ഷാ ഹാളിലെത്തിച്ച് ഡിവൈഎഫ്ഐ

കുട്ടിയെ പരീക്ഷ എഴുതിക്കാൻ പലരുടെയും സഹായം തേടിയെങ്കിലും പരീക്ഷാ ദിവസം ഹാളിലെത്തിക്കാമെന്ന ഉറപ്പ് ലഭിച്ചില്ല. തുടർന്ന് പ്രാദേശിയ ഡിവൈഎഫ്ഐ നേതാക്കളെ സമീപിക്കുകയായിരുന്നു.

News18 Malayalam | news18-malayalam
Updated: April 29, 2021, 8:21 AM IST
കോവിഡ് പോസിറ്റീവായ വിദ്യാർഥിനിയെ പരീക്ഷാ ഹാളിലെത്തിച്ച് ഡിവൈഎഫ്ഐ
News18 Malayalam
  • Share this:
കോട്ടയം: കോവിഡ് പോസിറ്റീവായ വിദ്യാർഥിനിയെ എസ്എസ്എൽസി പരീക്ഷ എഴുതാനെത്തിച്ച് ഡിവൈഎഫ്ഐ പ്രവർത്തകർ. ഇഞ്ചിയാനി ഹോളിഫാമിലി സ്കൂളിലെ വിദ്യാർഥിനിയെയാണ് ഡിവൈഎഫ്ഐ ബ്ലോക്ക് ട്രഷറർ മാർട്ടിൻ തോമസ്, പാറത്തോട് മേഖലാ പ്രസിഡന്റ് ഷെമീർ അസീസ് എന്നിവർ ചേർന്ന് സ്കൂളിലെത്തിച്ചത്.

ചോറ്റി സ്വദേശിയായ വിദ്യാർഥിനിക്ക് കഴിഞ്ഞ ദിവസമാണ് കോവിഡ് പോസിറ്റീവായത്. കുട്ടിയെ പരീക്ഷ എഴുതിക്കാൻ പലരുടെയും സഹായം തേടിയെങ്കിലും പരീക്ഷാ ദിവസം ഹാളിലെത്തിക്കാമെന്ന ഉറപ്പ് ലഭിച്ചില്ല. തുടർന്ന് ചോറ്റി ബ്രാഞ്ച് സെക്രട്ടറി കെ ജെനീഷിനെ വീട്ടുകാർ വിവരം അറിയിക്കുകയായിരുന്നു. വിവരമറിഞ്ഞപ്പോൾ തന്നെ വിദ്യാർഥിനിയെ സ്കൂളിലെത്തിക്കാനുള്ള ദൗത്യം ഇവർ ഏറ്റെടുക്കുകയായിരുന്നു.

Also Read- VV Prakash| 'നഷ്ടമായത് സ്നേഹസമ്പന്നനായ സഹോദരനെ': ചെന്നിത്തല; 'പ്രതിസന്ധി ഘട്ടങ്ങളിൽ കരുത്ത് പകർന്ന സഹപ്രവർത്തകൻ': കുഞ്ഞാലിക്കുട്ടി; വിവി പ്രകാശിനെ അനുസ്മരിച്ച് നേതാക്കൾ

ഷെമീറിന്റെ കാറിൽ രാവിലെ പരീക്ഷാ ഹാളിലെത്തിക്കുകയും ഉച്ചകഴിഞ്ഞ് തിരികെ വീട്ടിലെത്തിക്കുകയും ചെയ്തു. ഇന്നാണ് അവസാന പരീക്ഷ.

മേഖലയിൽ കോവിഡ് രോഗബാധിതരുടെ എണ്ണം വർധിച്ചതോടെ ഡിവൈഎഫ്ഐ പാറത്തോട് മേഖലാ കമ്മിറ്റി ഹെൽപ് ലൈനും ആരംഭിച്ചിട്ടുണ്ട്. കോവിഡ് പോസിറ്റീവായവരുടെ വീടുകളിൽ മരുന്ന്, ഭക്ഷണം, സാധനങ്ങൾ തുടങ്ങിയവ എത്തിക്കുന്നതിന് പ്രവർത്തകർ സജ്ജരാണെന്ന് സംഘടനാ നേതൃത്വം അറിയിച്ചു. ഫോൺ 9947804192, 9744472947, 9645590401.

എസ്എസ്എൽസി പരീക്ഷ ഇന്ന് അവസാനിക്കും

സംസ്ഥാനത്ത് എസ്എസ്എൽസി പരീക്ഷ ഇന്ന് അവസാനിക്കും. മലയാളം രണ്ടാം പേപ്പറോടെയാണ് പരീക്ഷ അവസാനിക്കുന്നത്. എഴുത്ത് പരീക്ഷകൾ അവസാനിക്കുകയാണെങ്കിലും എസ്എസ്എൽസി ഐ ടി പ്രാക്ടിക്കൽ പരീക്ഷ മാറ്റിവച്ചിട്ടുണ്ട്.

മെയ് അഞ്ചിന് തുടങ്ങാൻ നിശ്ചയിച്ചിരുന്ന എസ്എസ്എൽസി ഐ ടി പ്രാക്ടിക്കൽ പരീക്ഷ കോവിഡ് വ്യാപനം കണക്കിലെടുത്താണ് മാറ്റിയത്. മൂല്യനിർണയം മെയ് 14 തുടങ്ങാനാണ് നേരത്തെ തീരുമാനിച്ചതെങ്കിലും പ്രാക്ടിക്കൽ പരീക്ഷ നടക്കാത്തതിനാൽ ഇതുസംബന്ധിച്ച് തീരുമാനമായിട്ടില്ല. സംസ്ഥാനത്ത് പ്രതിദിന കോവിഡ് കേസുകളുടെ എണ്ണം കുറഞ്ഞതിന് ശേഷം പിന്നീട് പരീക്ഷ നടത്തുന്ന കാര്യം അറിയിക്കുമെന്ന് പൊതുവിദ്യാഭ്യസ വകുപ്പ് വൃത്തങ്ങൾ അറിയിച്ചിട്ടുണ്ട്.

Also Read- നിലമ്പൂരിലെ യുഡിഎഫ് സ്ഥാനാർഥിയും മലപ്പുറം ഡിസിസി പ്രസിഡന്റുമായ വി വി പ്രകാശ് അന്തരിച്ചു

മൂല്യനിർണയം കോവിഡ് പ്രോട്ടോക്കോൾ പ്രകാരം എങ്ങനെ നടത്താൻ കഴിയുമെന്നതിലും തീരുമാനമുണ്ടാകാനുണ്ട്. പ്ലസ് ടു പരീക്ഷകൾ നേരത്തെ അവസാനിച്ചിരുന്നു. കോവിഡ് വ്യാപനം കണക്കിലെടുത്ത് ഈ മാസം 28ന് ആരംഭിക്കേണ്ടിയിരുന്ന പ്ലസ് ടു പ്രാക്ടിക്കൽ പരീക്ഷകളും മാറ്റിവെച്ചിട്ടുണ്ട്.
Published by: Rajesh V
First published: April 29, 2021, 8:21 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories