കാസർഗോഡ് പരുന്ത് പരീക്ഷാർത്ഥിയുടെ ഹാൾ ടിക്കറ്റ് റാഞ്ചി;പരീക്ഷക്കെത്തിയ മുന്നൂറോളം പേർ ബഹളം വെച്ചിട്ടും കുലുങ്ങാതെ
- Published by:ASHLI
- news18-malayalam
Last Updated:
കാസർഗോഡ് ഗവ. യു പി സ്കൂളിലാണ് സംഭവം
വകുപ്പുതല പരീക്ഷയ്ക്ക് എത്തിയ പരീക്ഷാർത്ഥിയുടെ ഹാൾ ടിക്കറ്റ് റാഞ്ചി പരുന്ത്. കാസർഗോഡ് ഗവ. യു പി സ്കൂളിലാണ് സംഭവം. പരീക്ഷ എങ്ങനെ എഴുതുമെന്നു കരുതി വിഷമിച്ചിരുന്ന പരീക്ഷാർത്ഥിയുടെ മുന്നിലേക്ക് ബെല്ലടിക്കുന്നതിന് തൊട്ടുമുന്നേ പരുന്ത് ഹാൾ ടിക്കറ്റ് താഴെയിട്ടതോടെ കണ്ടു നിന്നവർക്ക് കൗതുക കാഴ്ചയായി. സോഷ്യൽ മീഡിയകളിൽ ഇതിനോടകം തന്നെ വീഡിയോ വൈറലായിട്ടുണ്ട്.
രാവിലെ 7.30 മണിക്കാണ് ഗവൺമെന്റ് ഉദ്യോഗസ്ഥരുടെ ഡിപ്പാർട്ട്മെന്റൽ പരീക്ഷ നടക്കേണ്ടിയിരുന്നത്. ഏഴുമണിക്ക് തന്നെ പരീക്ഷാർത്ഥികൾ ക്ലാസ്സുകളിൽ എത്തിയിരുന്നു. ഇതിനിടയിലാണ് പരുന്ത് പരീക്ഷാർത്ഥിയുടെ ഹാൾ ടിക്കറ്റ് കൊത്തി കൊണ്ട് പോയത്. കെട്ടിടത്തിന് മുകളിൽ ഹാൾ ടിക്കറ്റുമായി പരുന്ത് ഇരിക്കുകയും ചെയ്തതോടെ പരീക്ഷാർത്ഥിയ്ക്ക് എന്തു ചെയ്യണമെന്നായി.
300 ഓളം പേർ പരീക്ഷക്കായി എത്തിയിരുന്നു. ഇവർ ബഹളം വെച്ചിട്ടും പരുന്തിന് കുലുക്കമില്ല. എന്നാൽ പരീക്ഷ എഴുതാൻ കഴിയില്ലെന്ന പരീക്ഷാർത്ഥിയുടെ വിഷമം കണ്ടിട്ടാകണം പരുന്തിന്റെ സ്നേഹപ്രകടനം. അവസാന ബെല്ലിന് തൊട്ടു മുന്നേ ഹാൾ ടിക്കറ്റ് താഴേക്ക് ഇട്ട് പരുന്ത് പറന്നു പോയി. പരീക്ഷാർത്ഥി പരീക്ഷ എഴുതി മടങ്ങുകയും ചെയ്തു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kasaragod,Kerala
First Published :
Apr 10, 2025 2:28 PM IST
മലയാളം വാർത്തകൾ/ വാർത്ത/Kerala/
കാസർഗോഡ് പരുന്ത് പരീക്ഷാർത്ഥിയുടെ ഹാൾ ടിക്കറ്റ് റാഞ്ചി;പരീക്ഷക്കെത്തിയ മുന്നൂറോളം പേർ ബഹളം വെച്ചിട്ടും കുലുങ്ങാതെ
