ശബരിമലയിലെ ആടിയ ശിഷ്ടം നെയ് ക്രമക്കേടിൽ ആദ്യ അറസ്റ്റ്; ദേവസ്വം ബോർഡ് ജീവനക്കാരനായ സുനിൽകുമാർ പോറ്റി
- Published by:meera_57
- news18-malayalam
Last Updated:
33 പ്രതികളുള്ള കേസിൽ 13-ാം പ്രതിയാണ് സുനിൽകുമാർ പോറ്റി
ശബരിമല (Sabarimala) ക്ഷേത്രത്തിലെ ആടിയ ശിഷ്ടം നെയ് വിൽപ്പന ക്രമേക്കേടിൽ ദേവസ്വം ബോർഡ് ജീവനക്കാരൻ സുനിൽ കുമാർ പോറ്റി അറസ്റ്റിൽ. മൊത്തം 33 പ്രതികളുള്ള കേസിൽ 13-ാം പ്രതിയാണ് സുനിൽകുമാർ പോറ്റി. വിജിലൻസ് പത്തനംതിട്ട യൂണിറ്റ് അറസ്റ്റ് ചെയ്ത പ്രതിയെ കൊല്ലം വിജിലൻസ് കോടതിയിൽ ഹാജരാക്കും. പത്തനംതിട്ട വിജിലൻസ് ഓഫീസിലെ ചോദ്യം ചെയ്യലിലാണ് പോറ്റിയെ അറസ്റ്റ് ചെയ്തത്. ഇദ്ദേഹം ആടിയ ശിഷ്ടം നെയ് വിതരണത്തിന്റെ ചുമതലക്കാരൻ ആയിരുന്നു. 80,000ത്തിലധികം നെയ് പാക്കറ്റുകൾ വിറ്റ വകയിൽ 25 ലക്ഷത്തോളം രൂപയുടെ നഷ്ടമുണ്ടായതായാണ് കണക്കാക്കപ്പെടുന്നത്. ഈ വില്പനയുടെ തുക ദേവസ്വം ബോർഡിന്റെ അക്കൗണ്ടിൽ എത്തിയിട്ടില്ല എന്ന കണ്ടെത്തലിനെ തുടർന്നാണ് അറസ്റ്റ്.
ശബരിമയിലെ ആടിയ ശിഷ്ടം നെയ്യ് വിൽപ്പനയിൽ നടന്നതായി ആരോപിക്കപ്പെടുന്ന സാമ്പത്തിക ക്രമക്കേടുകൾ അന്വേഷിക്കുന്നതിനായി വിജിലൻസ് ആൻഡ് ആന്റി കറപ്ഷൻ ബ്യൂറോ ജനുവരി മാസം ഒരു പ്രത്യേക അന്വേഷണ സംഘം രൂപീകരിച്ചു. കേരള ഹൈക്കോടതി പുറപ്പെടുവിച്ച ശക്തമായ നിരീക്ഷണങ്ങളുടെയും നിർദ്ദേശങ്ങളുടെയും അടിസ്ഥാനത്തിലായിരുന്നു ഇത്.
പോലീസ് സൂപ്രണ്ട് മഹേഷ് കുമാർ ആണ് പ്രത്യേക സംഘത്തിന്റെ തലവൻ.
രാജ്യത്തെ ഏറ്റവും പ്രധാനപ്പെട്ട ക്ഷേത്രങ്ങളിലൊന്നായ ശബരിമലയിലെ സ്വർണ്ണ കൊള്ള കേസിനെത്തുടർന്ന് വാർത്താ പ്രാധാന്യം നേടുന്ന സമയത്താണ് ഈ സംഭവം. രാജ്യത്തെ ഏറ്റവും പ്രധാനപ്പെട്ട ക്ഷേത്രങ്ങളിലൊന്നായ ശബരിമലയിലെ സാമ്പത്തിക മേൽനോട്ടത്തെയും ഭരണപരമായ ഉത്തരവാദിത്തത്തെയും കുറിച്ചുള്ള വർദ്ധിച്ചുവരുന്ന ആശങ്കകൾ വർദ്ധിപ്പിക്കുന്നതായി മാറി ഇത്.
advertisement
ശബരിമല സ്പെഷ്യൽ കമ്മീഷണർ സമർപ്പിച്ച റിപ്പോർട്ടിന്റെ അടിസ്ഥാനത്തിൽ സ്വമേധയാ ആരംഭിച്ച കേസ് പരിഗണിക്കുന്നതിനിടെ, ജസ്റ്റിസ് രാജാ വിജയരാഘവൻ വി., കെ.വി. ജയകുമാർ എന്നിവരടങ്ങിയ ഡിവിഷൻ ബെഞ്ചിന്റെ രൂക്ഷ വിമർശനത്തെ തുടർന്നാണ് വിജിലൻസ് നടപടി.
Summary: Devaswom Board employee Sunil Kumar Potty arrested in Sabarimala temple Aadiya Sishtam ghee sale scam. Sunil Kumar Potty is the 13th accused in the case with a total of 33 accused. The accused, arrested by the Vigilance Pathanamthitta unit, will be produced before the Kollam Vigilance Court. Potty was arrested during questioning at the Pathanamthitta Vigilance Office. He was in charge of distributing Aadiya Sishtam ghee
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Feb 04, 2026 5:48 PM IST
മലയാളം വാർത്തകൾ/ വാർത്ത/Kerala/
ശബരിമലയിലെ ആടിയ ശിഷ്ടം നെയ് ക്രമക്കേടിൽ ആദ്യ അറസ്റ്റ്; ദേവസ്വം ബോർഡ് ജീവനക്കാരനായ സുനിൽകുമാർ പോറ്റി
