ബാലുശ്ശേരിയിലെ ക്രൂര മര്ദനം; അഞ്ചു പേര് കസ്റ്റഡിയില്; DYFI പ്രവര്ത്തകന് ജിഷ്ണുവിനെതിരെയും കേസ്
- Published by:Jayesh Krishnan
- news18-malayalam
Last Updated:
ആയുധം കൈവശം വച്ചതിനും കലാപശ്രമത്തിനും ജിഷ്ണുരാജിനെതിരെയും കേസെടുത്തതായി പൊലീസ്
കോഴിക്കോട്: ബാലുശ്ശേരിയില് ഡിവൈഎഫ്ഐ പ്രവര്ത്തകനെ ക്രൂരമായി മര്ദിച്ച കേസില് അഞ്ചു പേര് കസ്റ്റഡിയില്. തിരുവോട് സ്വദേശികളായ മുഹമ്മദ് സാലി, മുഹമ്മദ് ഇജാസ്, നജാരിഫ്, റിയാസ്, ഹാരിസ് എന്നിവരാണ് പിടിയിലായത്. 29 പേര്ക്കെതിരെ ജാമ്യമില്ലാ വകുപ്പ് ചുമത്തി പൊലീസ് കേസെടുത്തിരുന്നു. ഇതിന് പിന്നാലെയാണ് അഞ്ചുപേരെ കസ്റ്റഡിയിലെടുത്ത്. ഇവരുടെ അറസ്റ്റ് ഉടന് രേഖപ്പെടുത്തും.
അതേസമയം ആയുധം കൈവശം വച്ചതിനും കലാപശ്രമത്തിനും ജിഷ്ണുരാജിനെതിരെയും കേസെടുത്തതായി പൊലീസ് അറിയിച്ചു. ബുധനാഴ്ച രാത്രി ഒന്നരയോടെ കോട്ടൂര് പാലോളിയില് വച്ചായിരുന്നു സംഭവം. എസ്ഡിപിഐയുടെ ഫ്ലക്സ് ഈ പ്രദേശത്തുണ്ടായിരുന്നു. ഇത് കീറാന് വേണ്ടിയാണ് ജിഷ്ണു വന്നതെന്നും ഇത് കീറിയെന്നും ആരോപിച്ചായിരുന്നു മര്ദനം.
രാഷ്ടീയ വിരോധമാണ് ജിഷ്ണുവിന് നേരെയുണ്ടായ ആക്രമണത്തിന് കാരണമെന്നാണ് പൊലീസിന്റെ എഫ്ഐആറില് പറയുന്നത്. ജിഷ്ണുവിനെ ജാതിപ്പേര് പറഞ്ഞ് അധിക്ഷേപിച്ചുവെന്നും വെള്ളത്തില് മുക്കികൊല്ലാന് ശ്രമിച്ചുവെന്നും എഫ്ഐആറിലുണ്ട്.
advertisement
ഫ്ലസ്ക് ബോര്ഡ് നശിപ്പിക്കാന് വന്നതാണെന്നും പാര്ട്ടി നേതാക്കള് ആയുധം കൊടുത്തു വിട്ടെന്നും കഴുത്തില് കത്തിവച്ച് പറയിച്ച് വീഡിയോയും ചിത്രീകരിച്ചു. രണ്ടുമണിക്കൂര് നേരത്തെ ക്രൂരമര്ദ്ദനത്തിനു ശേഷമാണ് അക്രമിസംഘം ജിഷ്ണുവിനെ പൊലീസിന് കൈമാറിയത്.
ശരീരമാസകലം ജിഷ്ണുവിന് പരിക്കേറ്റിരുന്നു. മുഖത്തും കണ്ണിനും സാരമായി പരിക്കേറ്റ ജിഷ്ണു കോഴിക്കോട് മെഡിക്കല് കോളേജ് ആശുപത്രിയില് ചികിത്സയിലാണ്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jun 24, 2022 10:47 AM IST
മലയാളം വാർത്തകൾ/ വാർത്ത/Kerala/
ബാലുശ്ശേരിയിലെ ക്രൂര മര്ദനം; അഞ്ചു പേര് കസ്റ്റഡിയില്; DYFI പ്രവര്ത്തകന് ജിഷ്ണുവിനെതിരെയും കേസ്
