Guruvayur Temple | ഗുരുവായൂരപ്പന്റെ നടയിലെത്തി കണ്ണനെ തൊഴുത് ഗവര്ണർ രാജേന്ദ്ര ആര്ലേക്കറും പത്നിയും
- Published by:Sneha Reghu
- news18-malayalam
Last Updated:
ഗവര്ണറായി ചുമതലയേറ്റശേഷം ഇതാദ്യമായാണ് രാജേന്ദ്ര വിശ്വനാഥ് ആര്ലേക്കര് ഗുരുവായൂരിൽ ദർശനത്തിനെത്തുന്നത്
ഗുരുവായൂർ: കേരള ഗവർണർ രാജേന്ദ്ര വിശ്വനാഥ് ആർലേക്കർ ഗുരുവായൂർ ക്ഷേത്രത്തിൽ ദർശനം നടത്തി. ഇന്ന് രാവിലെ ഏഴു മണിയോടെയാണ് ഗവർണറും പത്നി അനഘ ആര്ലേക്കറും ക്ഷേത്രത്തിൽ ദർശനത്തിനെത്തിയത്. ദേവസ്വം ചെയര്മാന് ഗവർണറെ പൊന്നാടയണിച്ചാണ് വരവേറ്റത്.
കൊടിമരത്തിന് ചുവട്ടിൽ നിന്നായിരുന്നു ആദ്യം ഗുരുവായൂരപ്പനെ തൊഴുതത്. തുടർന്ന് നാലമ്പലത്തിന് മുന്നിലെത്തി പ്രാർത്ഥിച്ചു. ശ്രീലകത്തു നിന്ന് പ്രസാദം ഏറ്റുവാങ്ങിയ ഗവർണർ ദര്ശന ശേഷം ചുറ്റമ്പലത്തിലെത്തി പ്രദക്ഷിണം വെച്ചു തൊഴുതു. കളഭവും തിരുമുടി മാലയും പഴവും പഞ്ചസാരയുമടങ്ങുന്ന ഗുരുവായൂരപ്പന്റെ പ്രസാദങ്ങള് ദേവസ്വം ചെയര്മാന് ഡോ.വി.കെ.വിജയന് ഗവര്ണര്ക്കും പത്നിക്കും നല്കി.
ദേവസ്വത്തിന്റെ ഉപഹാരമായി ഭഗവാന് ശ്രീകൃഷ്ണനും രുക്മിണി ദേവീയുമൊത്തുള്ള ചുമര്ചിത്രവും നിലവിളക്കും ചെയര്മാന് ഡോ.വി.കെ.വിജയന് സമ്മാനിച്ചു. ഗവര്ണറായി ചുമതലയേറ്റശേഷം ഇതാദ്യമായാണ് രാജേന്ദ്ര വിശ്വനാഥ് ആര്ലേക്കര് ഗുരുവായൂരിൽ ദർശനത്തിനെത്തുന്നത്.
advertisement
ഗുരുവായൂർ ക്ഷേത്രത്തിൽ ദർശനം നടത്തിയ ചിത്രങ്ങളും ഗവർണർ ഫെയ്സ്ബുക്കിൽ പങ്കുവച്ചിട്ടുണ്ട്. ഗുരുവായൂരിലെ ശ്രീകൃഷ്ണ സ്വാമി ക്ഷേത്രത്തിൽ ദർശനം നടത്തി. കൃഷ്ണന്റെ അനുഗ്രഹവും ലഭിച്ചെന്നായിരുന്നു ഗവർണർ പോസ്റ്റ് ചെയ്തിരുന്നത്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Guruvayoor (Guruvayur),Thrissur,Kerala
First Published :
April 10, 2025 5:14 PM IST
മലയാളം വാർത്തകൾ/ വാർത്ത/Kerala/
Guruvayur Temple | ഗുരുവായൂരപ്പന്റെ നടയിലെത്തി കണ്ണനെ തൊഴുത് ഗവര്ണർ രാജേന്ദ്ര ആര്ലേക്കറും പത്നിയും