നവജാത ശിശുവിനെ വിറ്റ സംഭവം: മന്ത്രി വീണാ ജോര്ജ് റിപ്പോര്ട്ട് തേടി
- Published by:Arun krishna
- news18-malayalam
Last Updated:
ന്യൂസ് 18 റിപ്പോര്ട്ട് ചെയ്ത വാര്ത്തയെ തുടര്ന്നാണ് മന്ത്രിയുടെ ഇടപെടല്
തിരുവനന്തപുരത്ത് തൈക്കാട് സര്ക്കാര് ആശുപത്രിയില് നവജാത ശിശുവിനെ വിറ്റ സംഭവത്തില് ആരോഗ്യ വകുപ്പ് മന്ത്രി വീണാ ജോര്ജ് റിപ്പോര്ട്ട് തേടി. സംഭവത്തെ കുറിച്ച് ന്യൂസ് 18 റിപ്പോര്ട്ട് ചെയ്ത വാര്ത്തയുടെ അടിസ്ഥാനത്തിലാണ് മന്ത്രിയുടെ ഇടപെടല്. ഇതുസംബന്ധിച്ച് അന്വേഷണം നടത്തി റിപ്പോര്ട്ട് നല്കാന് ആരോഗ്യ വകുപ്പ് ഡയറക്ടര്ക്ക് മന്ത്രി നിര്ദേശം നല്കി. കുഞ്ഞിന് മതിയായ സംരക്ഷണം ഒരുക്കാന് വനിത ശിശുവികസന വകുപ്പ് ഡയറക്ടര്ക്കും നിര്ദേശം നല്കി.
വാങ്ങിയ ആളിൽ നിന്ന് പോലീസ് കുട്ടിയെ വീണ്ടെടുത്തിട്ടുണ്ട്. മൂന്നുലക്ഷം രൂപ നൽകി തിരുവല്ലം സ്വദേശിയാണ് 11 ദിവസം പ്രായമുള്ള കുട്ടിയെ വാങ്ങിയത്. നിലവില് ശിശുക്ഷേമ സമിതിയുടെ സംരക്ഷണയിലാണ് കുട്ടി ഉള്ളത്. സംഭവത്തിൽ കർശന നടപടി സ്വീകരിക്കുമെന്ന് ചൈൽഡ് വെൽഫെയർ കമ്മിറ്റി അറിയിച്ചു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Thiruvananthapuram,Kerala
First Published :
Apr 21, 2023 4:32 PM IST
