കെ.വി തോമസിന് സീറ്റില്ല; എറണാകുളത്ത് ഹൈബി ഈഡൻ കോൺഗ്രസ് സ്ഥാനാർഥി
Last Updated:
എറണാകുളം ലോക് സഭാ മണ്ഡലത്തിൽ എം.എൽ.എ ഹൈബി ഈഡൻ സ്ഥാനാർഥിയാകും.
തൃശൂർ: എറണാകുളം ലോക് സഭാ മണ്ഡലത്തിൽ എം.എൽ.എ ഹൈബി ഈഡൻ കോൺഗ്രസ് സ്ഥാനാർഥിയാകും. സിറ്റിങ് എം.പി കെ.വി തോമസിനെ മാറ്റിയാണ് ഹൈബി ഈഡന് സീറ്റ് നൽകിയത്. എറണാകുളം എം.എൽ.എയായ ഹൈബി ഈഡൻ കെ.എസ്.യു മുൻ സംസ്ഥാന അധ്യക്ഷനാണ്.
മുൻ എം.എൽ.എ പരേതനായ ജോർജ്ജ് ഈഡന്റെ മകനായി എറണാകുളത്ത് ജനനം. തേവര സേക്രഡ് ഹാർട്ട് കോളേജിലെ യൂണിയൻ സെക്രട്ടറിയായി തെരഞ്ഞെടുക്കപ്പെട്ടിട്ടുള്ള ഹൈബി ഈഡൻ കെ.എസ്.യുവിന്റെ സംസ്ഥാന അധ്യക്ഷനായി 2009 വരെ പ്രവർത്തിച്ചു.
2011 ഏപ്രിൽ മാസത്തിൽ നടന്ന നിയമസഭാ തെരെഞ്ഞെടുപ്പിൽ എറണാകുളം നിയോജക മണ്ഡലത്തിൽ സെബാസ്റ്റ്യൻ പോളിനെ പരാജയപ്പെടുത്തി നിയമസഭാംഗമായി. 2016ൽ രണ്ടാം തവണയും നിയമസഭയിലേക്ക് അദ്ദേഹം തെരഞ്ഞെടുക്കപ്പെട്ടു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Mar 16, 2019 9:31 PM IST
