ടിടിഇമാർ കോച്ചിൽ നിന്നിറക്കിവിട്ട കുഞ്ഞ് മരിച്ച സംഭവം മനുഷ്യാവകാശ കമ്മീഷൻ അന്വേഷിക്കും

 കുട്ടി തളർന്നതിനെ തുടർന്ന് കുറ്റിപ്പുറത്തിനടുത്ത് എത്തിയപ്പോൾ യാത്രക്കാർ അപായച്ചങ്ങല വലിച്ച് ട്രയിൻ നിർത്തി കുട്ടിയെ ആശുപത്രിയിൽ എത്തിച്ചു. പക്ഷേ, ആശുപത്രിയിൽ എത്തിച്ചപ്പോഴേക്കും മരിക്കുകയായിരുന്നു. മൂന്നുമാസം മുമ്പ് തിരുവനന്തപുരം ശ്രീചിത്ര ആശുപത്രിയിൽ മറിയത്തിനു ഹൃദയശസ്ത്രക്രിയ നടത്തിയിരുന്നു.

 കഴിഞ്ഞദിവസം കുട്ടിക്ക് പനി ബാധിച്ചിരുന്നു. ശ്രീചിത്രയിൽ വിളിച്ചപ്പോൾ കൊണ്ടുചെല്ലാൻ പറയുകയായിരുന്നു. രാത്രി റെയിൽവേ സ്റ്റേഷനിൽ എത്തിയെങ്കിലും ജനറൽ ടിക്കറ്റ് ആയിരുന്നു ലഭിച്ചത്. ബോഗിയിൽ തിരക്കായതിനാൽ സ്പീപ്പർ കോച്ചിൽ കയറുകയായിരുന്നു. എന്നാൽ, ടി ടി ഇമാർ കാരണങ്ങൾ ഒന്നും കേൾക്കാതെ ഇവരെ ഇറക്കിവിടുകയായിരുന്നു. തുടർന്ന് സുമയ്യ കുട്ടിയെയും കൊണ്ട് ലേഡീസ് കംപാർട്മെന്‍റിലും ഷമീർ ജനറൽ കംപാർട്മെന്‍റിലും കയറുകയായിരുന്നു. കുട്ടിയുടെ അവസ്ഥ കണ്ട യാത്രക്കാർ ആണ് ചങ്ങല വലിച്ച് വണ്ടിനിർത്തിയത്. ഉടൻ തന്നെ ആശുപത്രിയിൽ എത്തിച്ചെങ്കിലും അപ്പോഴേക്കും കുട്ടി മരിച്ചിരുന്നു.