'വർഗീയത പ്രചരിപ്പിക്കുന്ന കാര്യത്തിൽ എഎൻ ഷംസീറിന്റെ മൂത്താപ്പയാണ് മന്ത്രി മുഹമ്മദ് റിയാസ്'; കെ സുരേന്ദ്രന്‍

കഴിഞ്ഞ ദിവസം എം വി ഗോവിന്ദൻ നടത്തിയ പ്രസ്താവന ഇന്ന് തിരുത്താനുള്ള ശക്തി റിയാസിനുണ്ടെങ്കിൽ കാര്യങ്ങൾ വളരെ വ്യക്തമാണെന്നും റിയാസിന്റെ നേതൃത്വത്തിൽ സിപിഎം നടത്തുന്ന മുസ്ലീം വോട്ടിന് വേണ്ടിയുള്ള പ്രാകൃത സമീപനം ശക്തി മുഖ്യമന്ത്രിയുടെ അറിവോടെയാണെന്നും സുരേന്ദ്രൻ പറഞ്ഞു. ഷംസീർ പറഞ്ഞതാണ് ശരിയെന്ന് ഇന്ന് റിയാസ് പറയുന്നു അതിനർഥം ഗോവിന്ദന് ആ പാർട്ടിയിൽ ഒരു വിലയും ഇല്ല. പാർട്ടിയും ഭരണവും നിയന്ത്രിക്കുന്നത് റിയാസാണെന്നാണ് ഇപ്പോൾ തെളിഞ്ഞിരിക്കുന്നതെന്നും സുരേന്ദ്രൻ പറഞ്ഞു.