കെ സുരേന്ദ്രന്റെ ജാമ്യാപേക്ഷ ഇന്ന് വീണ്ടും പരിഗണിക്കും
Last Updated:
കൊച്ചി: ശബരിമല സന്നിധാനത്ത് സ്ത്രീയെ ആക്രമിക്കാന് ശ്രമിച്ചെന്ന കേസില് ബി.ജെ.പി സംസ്ഥാന ജനറല് സെക്രട്ടറി കെ സുരേന്ദ്രന് സമര്പിച്ച ജാമ്യപേക്ഷ ഹൈക്കോടതി ഇന്ന് വീണ്ടും പരിഗണിക്കും. കഴിഞ്ഞ ദിവസം കേസില് വാദം കേട്ട കോടതി സുരേന്ദ്രനെ രൂക്ഷമായി വിമര്ശിച്ചിരുന്നു. ശബരിമലയില് ചിത്തിര ആട്ട വിളക്ക് സമയത്ത് പ്രശ്നമുണ്ടാക്കാന് പോയ സുരേന്ദ്രന്റെ നടപടി ന്യായീകരിക്കാനാകില്ലെന്നായിരുന്നു ഹൈക്കോടതിയുടെ പരാമാര്ശം.
ശബരിമലയിലെത്തുന്ന സ്ത്രീകളുടെ പ്രായം പരിശോധിയ്ക്കാന് സുരേന്ദ്രനടക്കമുള്ളവര്ക്ക് ആര് അധികാരം നല്കിയെന്നും കോടതി ചോദിച്ചു. എന്നാല് തനിക്കെതിരെ നടന്നത് വ്യക്തി വിരോധം തീര്ക്കാനുള്ള നടപടിയാണെന്ന് സുരേന്ദ്രന് കോടതിയെ അറിയിച്ചു. ജാമ്യാപേക്ഷയെ സര്ക്കാര് എതിര്ത്തിട്ടുണ്ട്. കേസില് ഇന്ന് കൂടുതല് വാദം കേട്ട ശേഷം വിധി പറയാമെന്ന് ഹൈക്കോടതി കഴിഞ്ഞ ദിവസം വ്യക്തമാക്കിയിരുന്നു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Dec 07, 2018 7:39 AM IST
