ബി.ജെ.പിയിൽ ഇനിയും പുനഃസംഘടന ഉണ്ടാകുമെന്ന് കെ. സുരേന്ദ്രൻ

കോഴിക്കോട്: പാര്‍ട്ടിയില്‍ പുനഃസംഘടന ഇനിയുണ്ടാകുമെന്ന് ബി. ജെ. പി. സംസ്ഥാന പ്രസിഡന്റ് കെ.സുരേന്ദ്രന്‍ പറഞ്ഞു. പാര്‍ട്ടിയുടെ എല്ലാ ഘടകങ്ങളും അടിമുടി പുനഃസംഘടിപ്പിക്കുകയാണ് ലക്ഷ്യം. ബൂത്ത് തലം മുതല്‍ സംസ്ഥാന തലം വരെ ആവശ്യമായുള്ള മാറ്റങ്ങള്‍ ഉണ്ടാവുമെന്നും സുരേന്ദ്രന്‍ നാദാപുരത്ത് വാര്‍ത്താ സമ്മേളനത്തില്‍ പറഞ്ഞു. ചില സംസ്ഥാന ഭാരവാഹികളുടെ കാര്യത്തിലും ജില്ലാ പ്രസിഡണ്ടുമാരുടെ കാര്യത്തിലുമാണ് ഇന്ന് തീരുമാനങ്ങള്‍ വന്നിരിക്കുന്നത്. താഴെ തട്ടിലുള്ള മണ്ഡലം കമ്മിറ്റികള്‍ വിഭജിക്കുന്ന കാര്യവും തീരുമാനത്തിലാണെന്നും അദ്ദേഹം പറഞ്ഞു.