Kannur leaders| ഭരണം; പാർട്ടി; മുന്നണി; പ്രതിപക്ഷം; രാഷ്ട്രീയ താക്കോൽ സ്ഥാനങ്ങൾ കണ്ണൂരിന്

കണ്ണൂർ, കേരള രാഷ്ട്രീയ ചരിത്രത്തിൽ എല്ലാക്കാലവും തിളങ്ങിനിന്ന ജില്ല. സിപിഎമ്മിന്റെ ശക്തികേന്ദ്രമായ ജില്ലയിൽ നിന്നുള്ള നേതാക്കളാണ് ഇപ്പോൾ ഭരണതലപ്പത്തും പാർട്ടിയുടെ തലപ്പത്തുമുള്ളത്. സിപിഎം കേന്ദ്രകമ്മിറ്റിയംഗവും മുന്‍ മന്ത്രിയുമായ ഇ പി ജയരാജന്‍ ഇടത് മുന്നണി കണ്‍വീനറായതോടെ പാര്‍ട്ടി, മുന്നണി, ഭരണം എന്നിവയുടെ അധികാര സ്ഥാനങ്ങളിൽ കണ്ണൂർ നേതാക്കളായി മാറി. ഇതിനൊപ്പം ശക്തനായ പി ശശി മുഖ്യമന്ത്രിയുടെ പൊളിറ്റിക്കൽ സെക്രട്ടറി കൂടിയാകുന്നതോടെ കണ്ണൂർ നേതാക്കളുടെ പിടി ഒന്നുകൂടി മുറുകുകയാണ്. കേരളത്തിൽ നിന്നുള്ള ഏക കേന്ദ്രമന്ത്രി വി മുരളീധരനും കണ്ണൂരുകാരനാണ്. ഇന്ത്യൻ പാർലമെന്റിൽ നിലവിൽ കണ്ണൂർ ബന്ധമുള്ള 9 ജനപ്രതിനിധികളാണ് ഉള്ളത്.