കണ്ണൂർ കതിരൂർ സബ് രജിസ്ട്രാർ ഓഫീസിന് പുത്തൻ മന്ദിരം

സർക്കാർ ഓഫീസുകളിൽ പല ആവശ്യങ്ങൾക്കും കയറിയിറങ്ങുന്നവരെ അധികം ബുദ്ധിമുട്ടിക്കാതെ കാര്യങ്ങൾ ചെയ്തു കൊടുക്കാനും അവരെ സംതൃപ്തരാക്കി മടക്കി അയക്കാനും ഉദ്യോഗസ്ഥർ ശ്രദ്ധിക്കണം. എന്തെങ്കിലും കാരണവശാൽ ജനങ്ങൾ ആവശ്യപ്പെടുന്ന കാര്യങ്ങൾ ചെയ്യാൻ കഴിയുന്നില്ലെങ്കിൽ എന്തുകൊണ്ട് ചെയ്യാൻ സാധിക്കുന്നില്ല എന്ന് അവരെ പറഞ്ഞു ബോധ്യപ്പെടുത്തണം. സംതൃപ്തിയോടെ സർക്കാർ ഓഫീസുകളിൽ നിന്ന് മടങ്ങാൻ ജനങ്ങൾക്ക് ഉദ്യോഗസ്ഥർ അവസരം ഒരുക്കണമെന്നും സ്പീക്കർ നിർദേശിച്ചു.

അത്യാധുനിക സൗകര്യങ്ങളോടെയാണ് കെട്ടിടം നിർമ്മിച്ചത്. കതിരൂർ പഞ്ചായത്ത് പ്രസിഡൻ്റ് പി പി സുജയ അധ്യക്ഷയായി. കതിരൂർ പഞ്ചായത്ത് വൈസ് പ്രസിഡൻ്റ് കെ വി പവിത്രൻ, പാട്യം പഞ്ചായത്ത് പ്രസിഡൻ്റ് കെ പി പ്രദീപ് കുമാർ, പാനൂർ ബ്ലോക്ക് പഞ്ചായത്ത് വൈസ് പ്രസിഡൻ്റ് എൻ സുധീഷ്, ജില്ലാ പഞ്ചായത്തംഗം എ കെ ശോഭ, ഗ്രാമപഞ്ചായത്ത് അംഗം പി വി വിനീത, രജിസ്ട്രേഷൻ ഡപ്യൂട്ടി ഇൻസ്പെക്ടർ ആർ മധു, വിവിധ കക്ഷിരാഷ്ട്രീയ പ്രതിനിധികൾ എന്നിവർ സംസാരിച്ചു.