കതിരൂർ ബോംബ് സ്ഫോടനം; വലിയ ആക്രമണത്തിന് സിപിഎം കോപ്പുകൂട്ടുന്നുവെന്ന് കെ സുരേന്ദ്രൻ

കേരളത്തിൽ വലിയ ആക്രമണത്തിനാണ് സിപിഎം കോപ്പ് കൂട്ടുന്നതെന്നും ഇതിന്റെ ഭാഗമായിട്ടാണ് ബോംബ് നിർമാണമെന്നും ബി ജെ പി സംസ്ഥാന അധ്യക്ഷൻ കെ സുരേന്ദ്രൻ ആരോപിച്ചു. ഉന്നത സി പി എം നേതാക്കൾക്കും ബോംബ് നിർമാണത്തിൽ പങ്കുണ്ട്.

അതേസമയം ബംഗലൂരുവിൽ പിടിയിലായ മയക്കുമരുന്ന് സംഘത്തിലെ കണ്ണി അനൂപ് മുഹമ്മദുമായി ബിനിഷ് കോടിയേരിക്ക് കൂട്ടുകച്ചവടമുണ്ടെന്നും സുരേന്ദ്രൻ ആരോപിച്ചു. ഇരുവരും തമ്മിലുള്ള കള്ളക്കച്ചവടബന്ധം വ്യക്തമായിട്ടും അന്വേഷിക്കാൻ തയ്യാറാകാത്തത് കേരള സർക്കാരിന് പലതും മറച്ച് വയ്ക്കാനുള്ളത് കൊണ്ടാണ്.

വിഷയത്തിൽ അടിയന്തരമായി കേസ് രജിസ്റ്റർ ചെയ്ത് കേരള പൊലീസും നാർക്കോട്ടിക്സ് വിഭാഗവും അന്വേഷിക്കണമെന്നും സുരേന്ദ്രൻ ആവശ്യപ്പെട്ടു.