Chinese Apps Banned| നിരോധിച്ച ചൈനീസ് ആപ്പുകൾക്ക് പകരം എന്തൊക്കെയുണ്ട്?

ഇന്ത്യ ചൈന സംഘർഷങ്ങളുടെ പശ്ചാത്തലത്തില്‍ രാജ്യ സുരക്ഷ മുൻനിർത്തിയായിരുന്നു ചൈനീസ് ആപ്പുകൾക്ക് രാജ്യത്ത് നിരോധനം ഏർപ്പെടുത്തിയത്. ആദ്യം ടിക് ടോക് അടക്കം 50 ചൈനീസ് ആപ്പുകൾക്കും ഇപ്പോൾ വീഡിയോ ഗെയിമായ പബ്ജി ഉൾപ്പെടെ നൂറിലധികം ചൈനീസ് ആപ്പുകളുമാണ് ഇന്ത്യ നിരോധിച്ചത്. നിരോധിച്ച ചൈനീസ് ആപ്പുകൾക്ക് പകരക്കാരായി എന്തൊക്കെയുണ്ടെന്ന് നോക്കാം

നിങ്ങൾക്കാവശ്യമുള്ള ആപ്പുകളെ ലോക്ക് ചെയ്യുന്നതിന് സഹായിക്കുന്ന ഉപകരണങ്ങൾ നൽകുന്ന ആപ്പ് ലോക്ക് /സ്മാർട്ട് ആപ്പ് ലോക്ക്/ ആപ്പ് ലോക്ക് ലൈറ്റ് എന്നീ ചൈനീസ് ആപ്പുകൾക്ക് പകരം നോർട്ടൻ സെക്യൂരിറ്റി ആപ്പ് ലോക്ക് ഉപയോഗിക്കാം.

ഇന്റർനെറ്റിൽ തിരച്ചിലിന് വേണ്ടുന്ന സഹായങ്ങളും ഓൺലൈൻ മാർക്കറ്റിംഗിനും സഹായിച്ചിരുന്ന ബൈഡു ആപ്പിന് പകരം ഗൂഗിൾ സെർച്ച് ആപ്പ് ഉപയോഗിക്കാം.

ടെനന്റിന്റ് വികസിപ്പിച്ചെടുത്ത ലൂഡോ വേൾഡ്- ലൂഡോ സൂപ്പർ സ്റ്റാർ നിരോധിച്ച ഗെയിമുകളിലൊന്നാണ്. രണ്ടോ നാലോ പേർക്ക് കളിക്കാവുന്ന ഈ ഗെയിമിന് പകരമായി സമാനമായ ലൂഡോ കിംഗ് ഉപയോഗിക്കാം.

കോർപ്പറേറ്റ് കമ്മ്യൂണിക്കേഷൻ ആപ്പായ വീചാറ്റ് വർക്കിന് നിരോധനമുണ്ട്. ഇതിന് പകരമായി സ്ലാക്ക്, മൈക്രോ സോഫ്റ്റ് കൈസല എന്നിവ ഉപയോഗിക്കാം.

വീഡിയോ ഷൂട്ട് ചെയ്ത്, എഡിറ്റ് ചെയ്ത് അവ സ്റ്റാറ്റസായ വാട്സ്ആപ്പ്, ഇൻസ്റ്റഗ്രാം, യൂട്യൂബ് തുടങ്ങിയവയിൽ ഷെയർ ചെയ്യാൻ സഹായിക്കുന്ന വീഡിയോ നിർമാണ ആപ്പ് എംവി മാസ്റ്ററിന് പകരക്കാരായി റോപോസോ, ബോലോ ഇന്ത്യ എന്നിവയുണ്ട്.

ബിസിനസ് കാർഡുകൾ കൈകാര്യം ചെയ്യുന്നതിന് സഹായിക്കുന്ന കാം കാർഡ്/കാം കാർഡ് -ബിസിനസ് കാർഡ് റീഡർ എന്ന ആപ്പിനു പകരമായി എവർ നോട്ട്, സ്കാൻ ബിസ് കാർഡ്സ് എന്നീ ആപ്പുകൾ ലഭ്യമാണ്.