പ്രധാനമന്ത്രിയുടെ ചിത്രം പതിപ്പിച്ച ഫ്ലക്സുകൾ നീക്കം ചെയ്ത് കൊച്ചി കോർപ്പറേഷൻ, നടപടി മോദി എത്തുന്നതിന് തൊട്ടുമുമ്പ്

എറണാകുളം: പ്രധാനമന്ത്രി നരേന്ദ്രമോ​ദിയുടെ കേരളാ സന്ദർശനത്തോടനുബന്ധിച്ച് സ്ഥാപിച്ചിരുന്ന ഫ്ലക്സുകൾ കൊച്ചി കോർപ്പറേഷൻ നീക്കം ചെയ്തു. പ്രധാനമന്ത്രി എത്തുന്നതിന് മുമ്പായാണ് ഫ്ലക്സുകൾ നീക്കം ചെയ്തത്. കൊച്ചി ന​ഗരത്തിൽ പ്രധാനമന്ത്രിയെ സ്വാ​ഗതം ചെയ്തുകൊണ്ട് ബിജെപി സ്ഥാപിച്ച ഫ്ലക്സുകളും പോസ്റ്ററുകളുമാണ് കോർപ്പറേഷൻ എടുത്ത് മാറ്റിയത്. അനധികൃത ഫ്ലക്സ് ബോർഡുകൾ എടുത്ത് മാറ്റണമെന്ന ഹൈക്കോടതി ഉത്തരവ് പ്രകാരമാണ് നടപടി.