ഭരണഭാഷാ വാരാഘോഷത്തിനും മലയാള ദിനാചരണത്തിനും കാക്കനാട് കളക്ടറേറ്റിൽ നവംബർ ഒന്നിന് തുടക്കമാകും
Last Updated:
രാവിലെ 10.30ന് ഭരണ ഭാഷാ വാരാചരണത്തിൻ്റെ ഉദ്ഘാടനം അഡീഷണൽ ജില്ലാ മജിസ്ട്രേറ്റ് വിനോദ് രാജ് നിർവഹിക്കും.
ജില്ലാ ഭരണകൂടവും, ഇൻഫർമേഷൻ ആൻ്റ് പബ്ലിക് റിലേഷൻസ് വകുപ്പും സംയുക്തമായി സംഘടിപ്പിക്കുന്ന മലയാള ദിനാചരണത്തിനും ഭരണഭാഷാ വാരാഘോഷത്തിനും കാക്കനാട് ജില്ലാ കളക്ടറേറ്റ് കോൺഫറൻസ് ഹാളിൽ നവംബർ ഒന്നിന് തുടക്കമാകും. രാവിലെ 10.30ന് ഭരണ ഭാഷാ വാരാചരണത്തിൻ്റെ ഉദ്ഘാടനം അഡീഷണൽ ജില്ലാ മജിസ്ട്രേറ്റ് വിനോദ് രാജ് നിർവഹിക്കും. മലയാള ദിനം ഉദ്ഘാടനം എഴുത്തുകാരനും നോവലിസ്റ്റുമായ സലിൻ മാങ്കുഴി നിർവഹിക്കും. ചടങ്ങിൽ അസിസ്റ്റൻ്റ് കളക്ടർ പാർവതി ഗോപകുമാർ അധ്യക്ഷയാവും. ഹുസൂർ ശിരസ്തദാർ ജി. വി. ജ്യോതി ഭരണഭാഷ പ്രതിജ്ഞ ചൊല്ലി കൊടുക്കും. ഡെപ്യൂട്ടി കളക്ടർ സുനിൽ മാത്യു, ഇൻഫർമേഷൻ ആൻ്റ് പബ്ലിക് റിലേഷൻസ് വകുപ്പ് റീജിയണൽ ഡെപ്യൂട്ടി ഡയറക്ടർ നിജാസ് ജ്യൂവൽ, ജില്ലാ ഇൻഫർമേഷൻ ഓഫീസർ എൻ. ബി. ബിജു, അസിസ്റ്റൻ്റ് എഡിറ്റർ എ. റ്റി. രമ്യ എന്നിവർ പങ്കെടുക്കും.
നവംബർ ഏഴുവരെ നടക്കുന്ന ഭരണഭാഷാ വാരാചരണത്തോടനുബന്ധിച്ച് സർക്കാർ ജീവനക്കാർക്കായി വിവിധ മത്സരങ്ങൾ സംഘടിപ്പിക്കും. നവംബർ മൂന്ന് ഉച്ചയ്ക്ക് രണ്ടിന് കളക്ടറേറ്റ് കോൺഫറൻസ് ഹാളിൽ കഥാരചന മത്സരം നടക്കും. നവംബർ നാല് രാവിലെ 10.30ന് കളക്ടറേറ്റ് കോൺഫറൻസ് ഹാളിൽ കേരള ചരിത്രം, സംസ്കാരം, സാഹിത്യം, കല, ഭാഷ, രാഷ്ട്രീയം എന്നീ വിഷയങ്ങളെ ആസ്പദമാക്കി ശ്രീകുമാർ മുഖത്തല നയിക്കുന്ന പ്രശ്നോത്തരി മത്സരം നടക്കും. അന്നേദിവസം ഉച്ചയ്ക്ക് 2.30 ന് കവിതാലാപന മത്സരവും നടക്കും.
advertisement
നവംബർ ഏഴ് ഉച്ചയ്ക്ക് 2.30ന് കളക്ടറേറ്റ് കോൺഫറൻസ് ഹാളിൽ നടക്കുന്ന സമാപന സമ്മേളനം ജില്ലാ കളക്ടർ ജി. പ്രിയങ്ക ഉദ്ഘാടനം ചെയ്യും. പത്രപ്രവർത്തകൻ, നോവലിസ്റ്റ്, നിരൂപകൻ, ഭാഷാ വിദഗ്ധൻ എന്നീ നിലകളിൽ പ്രശസ്തനായ കെ സി നാരായണൻ മുഖ്യപ്രഭാഷണം നടത്തും. അഡീഷണൽ ജില്ലാ മജിസ്ട്രേറ്റ് വിനോദ് രാജ് അധ്യക്ഷനാവും. അസിസ്റ്റൻ്റ് കളക്ടർ പാർവതി ഗോപകുമാർ, ഇൻഫർമേഷൻ ആൻഡ് പബ്ലിക് റിലേഷൻ വകുപ്പ് റീജിയണൽ ഡെപ്യൂട്ടി ഡയറക്ടർ നിജാസ് ജ്യൂവൽ, ജില്ലാ ഇൻഫർമേഷൻ ഓഫീസർ എൻ ബി ബിജു, അസിസ്റ്റൻ്റ് ഇൻഫർമേഷൻ ഓഫീസർ സി ഡി റെൻസി എന്നിവർ പങ്കെടുക്കും.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kochi [Cochin],Ernakulam,Kerala
First Published :
Oct 31, 2025 6:33 PM IST
മലയാളം വാർത്തകൾ/ വാർത്ത/Kochi/
ഭരണഭാഷാ വാരാഘോഷത്തിനും മലയാള ദിനാചരണത്തിനും കാക്കനാട് കളക്ടറേറ്റിൽ നവംബർ ഒന്നിന് തുടക്കമാകും
