മരട് തീരദേശ പ്രദേശവാസികൾക്ക് ആശ്വാസമായി ഫ്ലോട്ടിങ് ഡിസ്‌പെൻസറി പുനരാരംഭിച്ചു

കായലോരത്തെ ജനങ്ങളുടെ ആരോഗ്യ സംരക്ഷണത്തിൽ പ്രധാന പങ്കുവഹിച്ചിരുന്ന ഡിസ്‌പെൻസറിയുടെ തിരിച്ചുവരവ് തീരദേശവാസികൾക്ക് വലിയ ആശ്വാസമാവും.​ മരടിൻ്റെ വിവിധയിടങ്ങളിലും കുമ്പളം പഞ്ചായത്തിലും പുഴമാർഗമാണ് മരുന്നുകളും ഡോക്ടറുടെ സേവനവും എത്തിച്ചിരുന്നത്. ഒരു ഡോക്ടർ, സ്റ്റാഫ് നഴ്‌സ്, ലാബ് ടെക്നീഷ്യൻ എന്നിവരടങ്ങുന്ന ടീമാണ് ഫ്ലോട്ടിങ് ഡിസ്‌പെൻസറിയിലുള്ളത്. മികച്ച നിലവാരത്തിലുള്ള ചികിത്സാ സഹായം പ്രദേശങ്ങളിലെ ജനങ്ങൾക്ക് വീട്ടുപടിക്കൽ ലഭിക്കുന്നത് ആരോഗ്യമേഖലയിൽ വലിയ മുന്നേറ്റമാകും.