മരട് ഫ്ലാറ്റ് പൊളിക്കൽ കണ്ണിൽ ചോരയില്ലാത്ത വിധി; സർക്കാർ ഫ്ലാറ്റുടമകൾക്കൊപ്പമെന്ന് കോടിയേരി

കൊച്ചി: മരട് ഫ്ലാറ്റ് ഉടമകൾക്കു പിന്തുണയുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. സർക്കാർ ഫ്ലാറ്റുടമകൾക്കൊപ്പമാണെന്ന്  കോടിയേരി പറഞ്ഞു.

also read:മരട് ഫ്ലാറ്റ് വിഷയം; പ്രശ്ന പരിഹാരത്തിന് ഇടപെടുമെന്ന് ഗവർണർ

ഫ്ലാറ്റ് പൊളിക്കൽ കണ്ണിൽ ചോരയില്ലാത്ത വിധിയാണ്. ഫ്ലാറ്റുകൾ പൊളിക്കാൻ എവിടെ നിന്ന് പണം കണ്ടത്തണമെന്ന് സുപ്രീം കോടതി പറഞ്ഞിട്ടില്ല. കുടിയൊഴിപ്പിക്കാൻ ആരെങ്കിലും എത്തിയാൽ നേരിടാൻ ഫ്ലാറ്റുടമകൾക്കൊപ്പം സി പി എം ഉണ്ടാകും- കോടിയേരി വ്യക്തമാക്കി.

നിയമപരമായി സർക്കാരിന് സാധ്യമായതെല്ലാം ചെയ്യുമെന്നും കോടിയേരി അറിയിച്ചു. ഫ്ലാറ്റുകൾക്ക് മുമ്പിലെ സിപിഎം ധർണയിൽ പങ്കെടുത്ത് സംസാരിക്കുകയായിരുന്നു കോടിയേരി.