വിദൂര വിദ്യാഭ്യാസ വിദ്യാർത്ഥികളുടെ അപൂർവ്വ ഓണാഘോഷം
Last Updated:
അത്തപ്പൂക്കളവും അതുപോലെതന്നെ ഓണസദ്യയും തിരുവാതിരക്കളിയും കലാശക്കൊട്ടും ബിസ്കറ്റ് കടിയും കസേരകളിയുമൊക്കായി വ്യത്യസ്തമായ ഒരു ഓണം ഫാത്തിമ മാതാ കോളേജിൻ്റെ നടുമുറ്റത്ത് നടന്നു.
വിദൂര വിദ്യാഭ്യാസ വിദ്യാർത്ഥികളും പതിവില്ലാത്ത ഓണാഘോഷം നടത്തി. പൊതുവേ റെഗുലർ കോളേജ് വിദ്യാർത്ഥികൾ ഓണാഘോഷം വിവിധ ഡിപ്പാർട്ട്മെൻ്റുകളുമായി ചേർന്ന് നടത്തുമ്പോഴും വിദൂര വിദ്യാഭ്യാസ വിദ്യാർഥികൾക്ക് അതിനുള്ള സാഹചര്യം പലപ്പോഴും ലഭിക്കാറില്ല. വ്യത്യസ്ത പ്രദേശത്തുള്ളവരും വിവിധ മേഖലകളിൽ ജോലി ചെയ്യുന്നവരും ഒക്കെയായത് കാരണം വിദൂര വിദ്യാഭ്യാസ വിദ്യാർത്ഥികൾക്ക് ഒരു ഏകീകരണം ഉണ്ടാവുകയില്ല. വിദൂര വിദ്യാഭ്യാസ യൂണിവേഴ്സിറ്റികളിലെ ലേണേർ സെൻ്ററുകളിൽ നിന്ന് അനുകൂലമായ ഒരു പിന്തുണ ലഭിക്കുകയുമില്ല.
എന്നാൽ ശ്രീനാരായണ ഗുരു ഓപ്പൺ യൂണിവേഴ്സിറ്റിയിൽ വിദ്യാർത്ഥികൾക്ക് പരിപൂർണ്ണ പിന്തുണ നൽകി അധ്യാപകരും ചേർന്ന് ഓണം തകർത്താടി. അത്തപ്പൂക്കളവും അതുപോലെതന്നെ ഓണസദ്യയും തിരുവാതിരക്കളിയും കലാശക്കൊട്ടും ബിസ്കറ്റ് കടിയും കസേരകളിയുമൊക്കായി വ്യത്യസ്തമായ ഒരു ഓണം ഫാത്തിമ മാതാ കോളേജിൻ്റെ നടുമുറ്റത്ത് നടന്നു. യൂണിവേഴ്സിറ്റിയുടെ 46 ലേണേർ സപ്പോർട്ട് സെൻ്ററുകളിൽ ഒന്നാണ് ഫാത്തിമ മാതാ കോളേജ്. ജീവിത തിരക്കുകൾക്കിടയിൽ ക്യാമ്പസ് ഓണം അനുഭവിക്കാൻ കഴിയാത്ത ഒരു കൂട്ടം അവരുടെ മാനസിക പിരിമുറുക്കങ്ങളൊക്കെ മാറ്റി മണിക്കൂറോളം സഹപാഠികളുംമൊത്ത് അവരുടെ സന്തോഷങ്ങൾ കൈമാറി ഓണത്തെ വരവേറ്റു.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kollam,Kerala
First Published :
August 30, 2025 5:33 PM IST
