Kollam Sudhi| മറഞ്ഞത് ടിവി ഷോകളിലെ 'ചിരി സ്റ്റാർ'; കൊല്ലം സുധിയുടെ ജീവനെടുത്ത അപകടത്തിൽ ബിനു അടിമാലി ഉൾപ്പെടെയുള്ളവർക്ക് പരിക്ക്

കൊച്ചി: സിനിമാ – ടിവി ഷോകളിൽ സജീവമായിരുന്ന കൊല്ലം സുധിയുടെ മരണം കലാലോകത്തെ ഞെട്ടിച്ചു. തൃശൂർ കയ്പമംഗലത്ത് വച്ച് ഇന്ന് പുലർച്ചെ നാലരയോടെ ഉണ്ടായ അപകടമാണ് 39കാരനായ സുധിയുടെ ജീവനെടുത്തത്. വടകരയിൽ നിന്നും പരിപാടി കഴിഞ്ഞ് മടങ്ങിയ സംഘം സഞ്ചരിച്ചിരുന്ന കാർ എതിരെ വന്ന പിക്കപ്പുമായി കൂട്ടിയിടിക്കുകയായിരുന്നു. അപകട സമയത്ത് മുന്നിലെ സീറ്റിലാണ് കൊല്ലം സുധി ഇരുന്നത്. അപകടത്തിൽ പരിക്കേറ്റ നടൻ ബിനു അടിമാലി, ഉല്ലാസ് അരൂർ, മഹേഷ് എന്നിവർക്ക് പരിക്കേറ്റു. ബിനു അടിമാലിയെയും മഹേഷിനെയും എറണാകുളത്തെ സ്വകാര്യ ആശുപത്രിയിലേക്ക് മാറ്റി. ഉല്ലാസ് അരൂർ ആണ് വാഹനം ഓടിച്ചിരുന്നതെന്നാണ് വിവരം.