അഗസ്ത്യമുനി പ്രതിഷ്ഠ നടത്തിയ നീണ്ടൂർ സുബ്രഹ്മണ്യ ക്ഷേത്രം; പ്രതിഷ്ഠ അത്യുഗ്രഭാവത്തിൽ നിൽക്കുന്ന മൂർത്തി

കേരളത്തിലെ പ്രസിദ്ധമായ സുബ്രഹ്മണ്യ സ്വാമി ക്ഷേത്രങ്ങളിൽ ഒന്നാണ് നീണ്ടൂർ സുബ്രഹ്മണ്യ ക്ഷേത്രം.താരകാസുരനെ വധിച്ച ശേഷം അത്യുഗ്രഭാവത്തിൽ നിൽക്കുന്ന സുബ്രഹ്മണ്യനാണ് ഇവിടുത്തെ പ്രതിഷ്ഠ. അഗസ്ത്യ മുനിയാണ് നീണ്ടൂർ ക്ഷേത്രത്തിൽ പ്രതിഷ്ഠ നടത്തിയത് എന്നാണ് വിശ്വാസം. വേദവ്യാസനും വില്യമംഗലത്തു സ്വാമിയാരും ക്ഷേത്രത്തിൽ എത്തിയിട്ടുണ്ടെന്നാണ് ഐതീഹ്യം.  സന്താനഗുണത്തിനും സർപ്പദോഷ പരിഹാരത്തിനും വിശ്വാസികൾ ഈ ക്ഷേത്രത്തെ ആശ്രയിക്കുന്നു. നീണ്ടൂർ ക്ഷേത്രം ആതിഥെയത്വം വഹിക്കുന്ന ആറാട്ടുത്സവം എല്ലാ വർഷവും ഏപ്രിൽ-മെയ്‌ മാസങ്ങളിലാണ് ആഘോഷിക്കുന്നത്. "ഒറ്റനാരങ്ങാമാല സമർപ്പണം" ക്ഷേത്രത്തിലെ പ്രധാന ചടങ്ങുകളിൽ ഒന്നാണ് . ചൊവ്വാഴ്ച ദിവസങ്ങളിൽ ഇവിടെ വലിയ തിരക്കാണ്.