കേരളത്തിൽ ആദ്യമായി വള്ളംകളി മത്സരം ആരംഭിച്ചത് ഇവിടെയാണ്

കേരളത്തിലെ ജലമേളകളുടെ ചരിത്രത്തിൽ മത്സരാടിസ്ഥാനത്തിൽ ആദ്യമായി വള്ളംകളി നടക്കുന്നത് താഴത്തങ്ങാടിയിലാണ്. കോട്ടയം, എറണാകുളം, ആലപ്പുഴ ജില്ലകളിലെ വള്ളങ്ങളാണ് മത്സരത്തിൽ പങ്കെടുക്കുന്നത്. ചുണ്ടൻ വള്ളങ്ങളും, വെപ്പ്, ഇരുട്ട്കുത്തി, ചുരുളൻ തുടങ്ങിയ വള്ളങ്ങളും, ചെറുവള്ളങ്ങളുമെല്ലാം മീനച്ചിലാറിന്റെ താരങ്ങളായ മത്സരവള്ളങ്ങളാണ്. ആകാശത്തിന്റെ അതിരോളം ആവേശം ഉയർത്തിയാണ് ഓരോ വർഷവും താഴത്തങ്ങാടി മത്സരവള്ളംകളി നടക്കുന്നത്. ഇത്തവണത്തെ താഴത്തങ്ങാടി ചാമ്പ്യൻസ് ബോട്ട് ലീഗിൽ കൈനകരി യുബിസി തുഴഞ്ഞ നടുഭാഗം ചുണ്ടനാണ് ജേതാക്കളായത്.