കോഴിക്കോട് കടപ്പുറത്ത് അക്ഷരമാമാങ്കം: സുനിത വില്യംസും ഭാവനയും പ്രകാശ് രാജും; കെഎൽഎഫിന് ആവേശത്തുടക്കം

ബഹിരാകാശ നിലയത്തിൽനിന്നു നോക്കുമ്പോൾ ഓരോ രാജ്യങ്ങളെയും മനുഷ്യരെയും ഒരൊറ്റ ഭൂമിയായാണ് കാണുകയെന്നും പിന്നെന്തിനാണു കൊച്ചുകൊച്ചു കാര്യങ്ങൾക്ക് പരസ്പ‌രം ഏറ്റുമുട്ടുന്നതെന്നും ബഹിരാകാശ യാത്രിക സുനിത വില്യംസ്. കേരള ലിറ്ററേച്ചർ ഫെസ്റ്റിവൽ ഉദ്ഘാടനവേദിയിൽ പ്രസംഗിക്കുകയായിരുന്നു സുനിത. എഴുത്തുകാരും അഭിനേതാക്കളും സംഗമിക്കുന്ന ബഹിരാകാശ ഇടമാണിത്. ഓരോ വ്യക്തിക്കും വ്യത്യസ്ത കാഴ്ചപ്പാടാണുള്ളത്. അവയ്ക്കെല്ലാം ചെവിയോർക്കാൻ സാഹിത്യോത്സവ വേദികൾ സഹായിക്കുമെന്നും സുനിത വില്യംസ് പറഞ്ഞു. സുനിത വില്യംസും മന്ത്രി പി. എ. മുഹമ്മദ് റിയാസും ചേർന്ന് കെഎൽഎഫ് ഉദ്ഘാടനം ചെയ്തു.