കടൽക്കാറ്റിൽ കരുത്തുകാട്ടി സെയിലിംഗ് ബോട്ടുകൾ; ആവേശമായി ബേപ്പൂർ വാട്ടർ ഫെസ്റ്റ്

ബേപ്പൂർ തദ്ദേശീയർ കഴിഞ്ഞ രണ്ട് ദിവസമായി ആഘോഷത്തിലാണ്, ഒപ്പം കോഴിക്കോടും. ബേപ്പൂർ ഇൻ്റർനാഷണൽ വാട്ടർ ഫെസ്റ്റ് വൻ ജനപ്രീതിയാണ് നേടുന്നത്. വരും വർഷങ്ങളിലും മുടക്കമില്ലാതെ തന്നെ വാട്ടർ ഫെസ്റ്റ് നടത്തപ്പെടുമെന്നാണ് ടൂറിസം വകുപ്പ് മന്ത്രിയും ബേപ്പൂർ നിയോജക മണ്ഡലം എംഎൽഎ കൂടിയായ മുഹമ്മദ് റിയാസ് ഉൽഘാടന ചടങ്ങിൽ പറഞ്ഞത്. മുമ്പെങ്ങും കാണാത്ത രീതിയിലുള്ള കലാ - കായിക പ്രദർശങ്ങളാണ് ബേപ്പൂർ ഇൻ്റർനാഷണൽ വാട്ടർ ഫെസ്റ്റിൻ്റെ ഭാഗമായി നടത്തപ്പെടുന്നത്.