സാംസ്‌കാരിക ടൂറിസം പോളിസി അവതരിപ്പിച്ച് കേരളം; പ്രഖ്യാപനമായി മന്ത്രി പി എ മുഹമ്മദ് റിയാസ്

രാജ്യത്ത് ആദ്യമായി കേരളം സാംസ്‌കാരിക ടൂറിസം പോളിസി നടപ്പാക്കുകയാണെന്ന് ടൂറിസം-പൊതുമരാമത്ത് വകുപ്പ് മന്ത്രിയായ പി എ മുഹമ്മദ് റിയാസ് വടകര ഇരിങ്ങൽ സർഗാലയ ക്രാഫ്റ്റ് വില്ലേജിൽ സംഘടിപ്പിച്ച ഔട്ട്ലുക്ക് റെസ്പോൺസിബിൾ ടൂറിസം കൾച്ചർ ആൻഡ് ഹെറിറ്റേജ് 2025ൻ്റെ ഭാഗമായി നടന്ന അവാർഡ്‌ദാന ചടങ്ങിൽ അഭിപ്രായപെട്ടു. സംസ്കാരം ചില്ലുകൾക്കകത്ത് പൂട്ടിവക്കേണ്ടതല്ല, അത് പങ്കുവക്കേണ്ടതും ആഘോഷിക്കപ്പെടേണ്ടതുമാണ്. ഓണക്കാലത്ത് ഓരോ തെരുവുകളും കലാകാരന്മാർക്ക് വേദികളായെന്നും ലോകമെമ്പാടുമുള്ള സഞ്ചാരികൾ കേരളത്തെ ആസ്വദിക്കുകയാണെന്നും മന്ത്രി കൂട്ടിച്ചേർത്തു.