വിമുക്ത ഭടന്മാർക്ക് കൈത്താങ്ങായി ഇന്ത്യൻ സേന; 'നിരന്തർ മിലാപ്' ശ്രദ്ധേയമായി

'നിരന്തർ മിലാപ്' പരിപാടിയുടെ ഭാഗമായി ലഫ്റ്റനൻ്റ് ജനറൽ പി.എസ്. ശെഖാവത്തിൻ്റെ നേതൃത്വത്തിൽ ഔട്ട്റീച്ച് പ്രോഗ്രാം സംഘടിപ്പിച്ചു. രാവിലെ ഒമ്പത് മുതൽ വൈകിട്ട് അഞ്ച് വരെ കോഴിക്കോട് ജില്ലാ സൈനിക ക്ഷേമ ഓഫീസ് ഓഡിറ്റോറിയത്തിലാണ് നിരന്തർ മിലാപ് ഔട്ട് റീച്ച് പ്രോഗ്രാം സംഘടിപ്പിച്ചത്. രാജേഷ് എ ആർ, ഗണേഷ് യാദവ്, നന്ദു രഘു എന്നിവരാണ് ജില്ലാ സൈനിക ക്ഷേമ ഓഫീസിൽ വെച്ച് നടത്തപ്പെട്ട നിരന്തർ മിലാപ് ഔട്ട് റീച്ച് പ്രോഗ്രാമിന് നേതൃത്വം നൽകിയത്. കേരളത്തിൽ നിന്നുള്ള വിമുക്ത ഭടന്മാർ പ്രോഗ്രാമിൻ്റെ ഭാഗമായി. വെറ്ററൻമാർക്കായുള്ള പാൻ ഇന്ത്യ ഔട്ട്‌റീച്ച് പ്രോഗ്രാമിന് ബ്രിഗേഡിയർ സുനിൽ കുമാർ, കമാൻഡൻ്റ് എം ഐ സി & എസ്, ചീഫ് റെക്കോർഡ് ഓഫീസർ ലെഫ്റ്റനൻ്റ് കേണൽ അശോക് കുമാർ എന്നിവരാണ് നേതൃത്വം നൽകുന്നത്.