'കോഴിക്കോടിൻ്റെ വൈബ് ഒരു രക്ഷയുമില്ല!'; സ്റ്റേഡിയത്തിലെ ആവേശക്കടൽ കണ്ട് അമ്പരന്ന് സൽമാൻ ഖാൻ

'ഈ ഗാലറിയിലെ കാണികളുടെ വൈബ് ഒരു രക്ഷയുമില്ല... എന്തൊരു ഊർജമാണ് അവർക്ക്' ബോളിവുഡ് സൂപ്പർതാരം സൽമാൻ ഖാൻ കോഴിക്കോട് കോർപറേഷൻ ‌സ്റ്റേഡിയത്തിലെ ആവേശത്തിര കണ്ട് അമ്പരന്നു പറഞ്ഞു പോയതാണ്. കോഴിക്കോട് കോർപ്പറേഷനിലെ ഇ എം എസ് സ്റ്റേഡിയത്തിൽ നടക്കുന്ന ഇന്ത്യൻ സൂപ്പർ ക്രോസ് റേസിങ് ലീഗ് മത്സരത്തിൻ്റെ ആദ്യ റൗണ്ട് പൂർത്തിയായശേഷം വേദിയിലേക്ക് വന്ന സൽമാൻ ഖാനെ ഒരുമിച്ച് 'പിറന്നാൾ ആശംസകൾ' ആശംസിച്ചാണു ഇ എം എസ് സ്റ്റേഡിയത്തിലേക്ക് വരവേറ്റത്. ഡിസംബർ 27നാണ് സൽമാൻ ഖാൻ്റെ അറുപതാം പിറന്നാൾ.