ജി സുധാകരനെ പിന്തുണക്കുന്നതിൽ പ്രതിഷേധിച്ച് പാർട്ടിവിട്ട കോൺഗ്രസ് ജനറൽ സെക്രട്ടറി ബിജെപിയില്‍

കെപിസിസിയിലുൾപ്പെടെ പാർട്ടിയുടെ ഒരു തലത്തിലും ചർച്ച ചെയ്യാതെയാണ് സുധാകരനെ പിന്തുണയ്ക്കാൻ ഡൽഹിയിൽ നിന്നുള്ള തീരുമാനമെടുത്തതെന്നായിരുന്നു ജോബിന്റെ ആരോപണം.

കോൺഗ്രസ്‌ ബന്ധം എം ജെ ജോബ് ഉപേക്ഷിച്ചതിന് പിന്നാലെ ബിജെപി ആലപ്പുഴ നോർത്ത് ജില്ലാ അധ്യക്ഷൻ പി കെ ബിനോയ്‌ ബിജെപിയിലേയ്ക്ക് സ്വാ​ഗതം ചെയ്തിരുന്നു. കഴിഞ്ഞ ദിവസം ജോബ് ബിജെപിയിലേയ്ക്കെന്ന വാർത്തകൾ പുറത്ത് വന്നിരുന്നു. ഇന്ന് മാരാർജി ഭവനിൽ നടന്ന ചടങ്ങിലാണ് എം ജെ ജോബ് ബിജെപി അം​ഗത്വം സ്വീകരിച്ചത്.

എൻസിപി സംസ്ഥാന സെക്രട്ടറിയും മുന്നോക്ക വികസന കോർപറേഷൻ മുൻ ഡയറക്ടറുമായ ജയകുമാർ അടക്കമുള്ളവരും ഇന്ന് ബിജെപിയിൽ ചേർന്നു. മാരാർജി ഭവനിൽ ചേർന്ന ചടങ്ങിൽ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറാണ് ഇവരെ പാർട്ടിയിലേക്ക് സ്വീകരിച്ചത്.

Summary: In a significant political shift in Kerala, KPCC General Secretary M.J. Job has officially joined the BJP after resigning from the Congress party. His departure was triggered by the Congress leadership's decision to support former minister G. Sudhakaran, who is contesting as an independent in Ambalappuzha after leaving the CPM.