ബിൽ കുടിശിക വരുത്തിയ വീട്ടിലെ വൈദ്യുതി വിച്ഛേദിക്കാൻ എത്തിയ KSEB ജീവനക്കാർക്ക് മർദനം
- Published by:Vishnupriya S
- news18-malayalam
Last Updated:
വൈദ്യുതി വിച്ഛേദിക്കാൻ എത്തിയ കെഎസ്ഇബി ജീവനക്കാർക്ക് മർദനം
വീട്ടിലെ വൈദ്യുതി വിച്ഛേദിക്കാൻ എത്തിയ കെഎസ്ഇബി ജീവനക്കാർക്ക് മർദനം. എറണാകുളം തൃപ്പൂണിത്തുറയിലാണ് സംഭവം. ബിൽ കുടിശിക വരുത്തിയ വീട്ടിലെ വൈദ്യുതി വിച്ഛേദിക്കാൻ എത്തിയ കെഎസ്ഇബി ജീവനക്കാർക്കാണ് മർദനം നേരിടേണ്ടി വന്നത്. ഇന്ന് ഉച്ചയ്ക്ക് 12.30ന് പനങ്ങാടാണ് സംഭവം. ലൈൻമാൻ കുഞ്ഞി കുട്ടൻ, രോഹിത് എന്നിവർക്കാണ് മർദ്ദനമേറ്റത്.
ജീവനക്കാർ തൃപ്പൂണിത്തുറ താലൂക്കാശുപത്രിയിൽ ചികിത്സയിലാണ്. ബിൽ കുടിശിക വരുത്തിയതിനെ തുടർന്ന് വൈദ്യുതി വിച്ഛേദിക്കാൻ എത്തിയതായിരുന്നു ജീവനക്കാർ. സംഭവത്തിൽ പനങ്ങാട് സ്വദേശി ജൈനി പൊലീസ് കസ്റ്റഡിയിലാണ്. 'പുറത്തിറങ്ങടാ' എന്ന് പറഞ്ഞുകൊണ്ട് കയ്യിലിരുന്ന പൈപ്പിന്റെ കഷണം ഉപയോഗിച്ച് ജീവനക്കാരെ മർദിക്കുന്നത് വീഡിയോയിൽ കാണാം. ഇതിനോടകം തന്നെ വീഡിയോ വൈറലായി കഴിഞ്ഞു.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Ernakulam,Kerala
First Published :
September 10, 2024 7:54 PM IST
മലയാളം വാർത്തകൾ/ വാർത്ത/Kerala/
ബിൽ കുടിശിക വരുത്തിയ വീട്ടിലെ വൈദ്യുതി വിച്ഛേദിക്കാൻ എത്തിയ KSEB ജീവനക്കാർക്ക് മർദനം
