'വയര് നേരിട്ട് പ്ലഗ് സോക്കറ്റില് കുത്തരുത്, മൊട്ടുസൂചി കുത്തി കണക്ഷനെടുക്കരുത്'; ക്രിസ്മസ് നവവത്സര വൈദ്യുത ദീപാലങ്കാരത്തില് മുന്നറിയിപ്പുമായി KSEB
- Published by:Rajesh V
- news18-malayalam
Last Updated:
ഗുണമേന്മ കുറഞ്ഞ പ്ലാസ്റ്റിക് ഇന്സുലേറ്റഡ് വയറുകള് ഒഴിവാക്കുകയും ഗുണനിലവാരമുള്ള വയറുകളും അനുബന്ധ ഉപകരണങ്ങളും മാത്രമാണ് ഉപയോഗിക്കുന്നത് എന്ന് ഉറപ്പുവരുത്തുകയും വേണമെന്ന് കെഎസ്ഇബി
തിരുവനന്തപുരം: ക്രിസ്മസും നവവത്സരവും ആഘോഷമാക്കാൻ കേരളം ഒരുങ്ങിക്കഴിഞ്ഞു. നക്ഷത്രങ്ങളും വൈദ്യുതി അലങ്കാരങ്ങളും നാടാകെ നിറയുകയാണ്. എന്നാല് ഇത്തരത്തില് വൈദ്യുത ദീപാലങ്കാരം നടത്തുമ്പോള് തികഞ്ഞ ജാഗ്രത പുലര്ത്തണമെന്ന് കെഎസ്ഇബി മുന്നറിയിപ്പ് നല്കി. പലപ്പോഴും ചെറിയ അശ്രദ്ധ ജീവനെടുക്കുന്ന വാർത്തകൾ ഇത്തരം ആഘോഷകാലങ്ങളില് വരാറുണ്ട്. ഈ സാഹചര്യത്തിലാണ് മുന്നറിയിപ്പുമായി കെഎസ്ഇബി രംഗത്തെത്തിയത്.
ഗുണമേന്മ കുറഞ്ഞ പ്ലാസ്റ്റിക് ഇന്സുലേറ്റഡ് വയറുകള് ഒഴിവാക്കുകയും ഗുണനിലവാരമുള്ള വയറുകളും അനുബന്ധ ഉപകരണങ്ങളും മാത്രമാണ് ഉപയോഗിക്കുന്നത് എന്ന് ഉറപ്പുവരുത്തുകയും വേണമെന്ന് കെഎസ്ഇബി ഫേസ്ബുക്ക് പേജിൽ ഓര്മ്മിപ്പിച്ചു.'ലോഹനിര്മ്മിതമായ പ്രതലങ്ങളില് സുരക്ഷാ മാനദണ്ഡങ്ങള് പാലിച്ചുമാത്രം ദീപാലങ്കാരം നടത്തുക.
പ്ലഗ്, സ്വിച്ച് എന്നിവ ഉപയോഗിച്ചുമാത്രം വൈദ്യുത കണക്ഷന് എടുക്കുക. വയര് നേരിട്ട് പ്ലഗ് സോക്കറ്റില് കുത്തരുത്. വയറില് മൊട്ടുസൂചി/സേഫ്റ്റി പിന് കുത്തി കണക്ഷനെടുക്കരുത്. വയര് ജോയിന്റുകള് ശരിയായ തരത്തില് ഇന്സുലേറ്റ് ചെയ്തു എന്ന് ഉറപ്പാക്കുക. ELCB/RCCB പ്രവര്ത്തനക്ഷമമാണെന്ന് ഉറപ്പുവരുത്തണം'- കെഎസ്ഇബി കുറിച്ചു.
advertisement
കുറിപ്പ് ഇങ്ങനെ
ക്രിസ്മസ് നവവത്സര ആഘോഷങ്ങളുടെ ഭാഗമായി വൈദ്യുത ദീപാലങ്കാരം നടത്തുമ്പോള് തികഞ്ഞ ജാഗ്രത പുലര്ത്താം.
ഗുണമേന്മ കുറഞ്ഞ പ്ലാസ്റ്റിക് ഇന്സുലേറ്റഡ് വയറുകള് ഒഴിവാക്കുക.
ഗുണനിലവാരമുള്ള വയറുകളും അനുബന്ധ ഉപകരണങ്ങളും മാത്രം ഉപയോഗിക്കുക
ലോഹനിർമിതമായ പ്രതലങ്ങളില് സുരക്ഷാ മാനദണ്ഡങ്ങള് പാലിച്ചുമാത്രം ദീപാലങ്കാരം നടത്തുക.
പ്ലഗ്, സ്വിച്ച് എന്നിവ ഉപയോഗിച്ചുമാത്രം വൈദ്യുത കണക്ഷന് എടുക്കുക, വയര് നേരിട്ട് പ്ലഗ് സോക്കറ്റില് കുത്തരുത്.
വയറില് മൊട്ടുസൂചി/സേഫ്റ്റി പിന് കുത്തി കണക്ഷനെടുക്കരുത്.
വയര് ജോയിന്റുകള് ശരിയായ തരത്തില് ഇന്സുലേറ്റ് ചെയ്തു എന്ന് ഉറപ്പാക്കുക.
advertisement
ELCB/RCCB പ്രവര്ത്തനക്ഷമമാണെന്ന് ഉറപ്പുവരുത്തുക.
ആനന്ദഭരിതമായ ആഘോഷവേളകള് കണ്ണീരില് കുതിരാതിരിക്കട്ടെ.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram [Trivandrum],Thiruvananthapuram,Kerala
First Published :
Dec 10, 2024 11:41 AM IST
മലയാളം വാർത്തകൾ/ വാർത്ത/Kerala/
'വയര് നേരിട്ട് പ്ലഗ് സോക്കറ്റില് കുത്തരുത്, മൊട്ടുസൂചി കുത്തി കണക്ഷനെടുക്കരുത്'; ക്രിസ്മസ് നവവത്സര വൈദ്യുത ദീപാലങ്കാരത്തില് മുന്നറിയിപ്പുമായി KSEB
