റോബിനെ വെട്ടാനെത്തിയ കെഎസ്ആർടിസി ലോ ഫ്ലോർ ബസ് യാത്ര തുടങ്ങിയത് കാലി സീറ്റുകളുമായി

പത്തനംതിട്ട: കേന്ദ്ര സർക്കാർ നിയമപ്രകാരം അഖിലേന്ത്യാ പെർമിറ്റുമായി പത്തനംതിട്ട-കോയമ്പത്തൂർ റൂട്ടിൽ സർവീസ് നടത്തുന്ന റോബിൻ ബസിന് ബദലായി കെഎസ്ആർടിസി ആരംഭിച്ച ലോ ഫ്ലോർ ബസ് യാത്ര തുടങ്ങിയത് കാലി സീറ്റുകളുമായി. ഇന്ന് രാവിലെ നാലരയ്ക്ക് പത്തനംതിട്ടയിൽനിന്ന് പുറപ്പെട്ടപ്പോഴാണ് ലോഫ്ലോർ ബസിൽ യാത്ര ചെയ്യാൻ ആരുമില്ലാതിരുന്നത്. പത്തനംതിട്ടയിൽനിന്ന് കോയമ്പത്തൂരിലേക്ക് കെഎസ്ആർടിസി ലോഫ്ലോർ ബസിന് ടിക്കറ്റ് നിരക്ക് 569 രൂപയാണ്. എന്നാൽ റോബിൻ ബസ് ഈടാക്കുന്നത് 650 രൂപയാണ്.