'പലസ്തീനികളുടെ ചെലവിൽ ഇസ്രായേൽ ഐക്യദാർഢ്യ സമ്മേളനത്തിന് വേദിയൊരുക്കിയ ലീഗിനോട് ചരിത്രം പൊറുക്കില്ല': കെ.ടി. ജലീൽ

കോഴിക്കോട്: മുസ്ലിം ലീഗിന്റെ പലസ്തീൻ ഐക്യദാർഢ്യ സമ്മേളനത്തിലെ ശശി തരൂരിന്റെ പ്രസംഗത്തിനെതിരെ കെ ടി ജലീൽ എംഎൽഎ. പലസ്തീനികളുടെ ചെലവിൽ ഇസ്രായേൽ ഐക്യദാർഢ്യ സമ്മേളനമാണ് ലീഗ് നടത്തിയതെന്ന് ജലീൽ ആരോപിച്ചു. ഇസ്രായേലിന്റെ അടിയും ഇടിയും വെടിയും തൊഴിയും ആട്ടും തുപ്പും സഹിക്കാനാവാതെ പ്രതികരിച്ചതിനെ ഭീകരപ്രവർത്തനം എന്ന് വിളിച്ച തരൂർ ഇസ്രായേലിനെ കൊടും ഭീകരർ എന്ന് വിളിക്കാത്തത് എന്തുകൊണ്ടാണെന്നും ഫേസ്ബുക്കിലെഴുതിയ കുറിപ്പിൽ ജലീൽ ചോദിച്ചു.