News18 Exclusive| 'ഗൂഢാലോചനയുടെ പ്രഭവകേന്ദ്രം തലസ്ഥാനത്ത്; പി. ജയരാജൻ അഴിമതി ആരോപണം ഉന്നയിച്ചിട്ടില്ല': ഇ.പി. ജയരാജൻ

”എനിക്കെതിരെ വ്യക്തിഹത്യ ലക്ഷ്യമിട്ടുള്ള ഗൂഢാലോചന നടന്നു. പിന്നിൽ പ്രവർത്തിച്ചത് ആരെന്ന് വ്യക്തമായി അറിയാം. പ്രഭവകേന്ദ്രം തലസ്ഥാനത്താണ്. കണ്ണൂരുമായി ബന്ധമുണ്ട്. ന

ടന്നത് പാർട്ടി വിരുദ്ധ പ്രവർത്തനം”- ഇ പി ജയരാജൻ പറഞ്ഞു. പി ജയരാജൻ തനിക്കെതിരെ അഴിമതി ആരോപണം ഉന്നയിച്ചിട്ടില്ലെന്നും ഇ പി പറഞ്ഞു. എല്ലാം മാധ്യമ സൃഷ്ടിയാണ്. അഴിമതി ആരോപണം ഉന്നയിച്ചിട്ടില്ലെന്ന് പി ജയരാജൻ സംസ്ഥാന സമിതിയിലും വ്യക്തത വരുത്തിയെന്നും ഇ പി ജയരാജൻ പറഞ്ഞു.

Also Read- ഷുഹൈബ് വധം നിയമസഭയിൽ; തില്ലങ്കേരിയിൽ നടക്കുന്നത് കൊല ചെയ്തവനും കൊല്ലിച്ചവനും തമ്മിലുള്ള പോരാട്ടമെന്ന് പ്രതിപക്ഷം

വൈദീകത്തിൽ നടന്നത് ആദായ നികുതി വകുപ്പിന്റെ പരിശോധനയല്ലെന്നും ആദായം ഉണ്ടെങ്കിൽ അല്ലേ പരിശോധിക്കേണ്ടതുളളൂവെന്നും ഇ പി ജയരാജൻ ചോദിച്ചു. എന്താണ് നടന്നതെന്ന് റിസോർട്ട് അധികൃതർ വിശദീകരിക്കുമെന്നും ഇ പി ജയരാജൻ പറഞ്ഞു. ജനകീയ പ്രതിരോധ ജാഥയിൽ പങ്കെടുക്കുമെന്ന് ഉറപ്പിച്ചു പറയാനും ഇ പി ജയരാജൻ തയാറായില്ല. എൽഡിഎഫ് കൺവീനറുടെ അസാന്നിധ്യം ചർച്ചയാകുമ്പോഴും സസ്പെൻസ് നിലനിർത്തിയാണ് ഇ പിയുടെ മറുപടി. ”എല്ലാ പാർട്ടിക്കാർക്കും പോകാൻ കഴിയില്ലല്ലോ”.

Also Read- കർണാടക ബിജെപി എംഎൽഎയുടെ മകൻ കൈക്കൂലി വാങ്ങുന്നതിനിടെ അറസ്റ്റിൽ; റെയ്ഡിൽ വീട്ടില്‍ നിന്ന് 6 കോടി പിടിച്ചെടുത്തു

കേരളത്തിൽ ഒരു തെരഞ്ഞെടുപ്പിലും മത്സരിക്കാൻ തനിക്ക് ആഗ്രഹമില്ലെന്ന് ഇ പി ജയരാജൻ പറഞ്ഞു. ”ഞങ്ങളുടെ ഒക്കെ കാലം കഴിഞ്ഞു. പുതിയ തലമുറ വരട്ടേ. ഇഎംഎസിന്റെ മാതൃകയാണ് പിന്തുടരുന്നത്”- ഇ പി ജയരാജൻ വ്യക്തമാക്കി.