രാഹുലിനെതിരെ മത്സരിക്കുന്നതിലൂടെ എന്ത് സന്ദേശമാണ് നല്‍കുന്നത്? പിണറായിക്ക് മറുപടിയുമായി ചെന്നിത്തല

തിരുവനന്തപുരം: രാഹുല്‍ ഗാന്ധിക്കെതിരേ ഇടതുപക്ഷം മത്സരിക്കുന്നതിലൂടെ എന്ത് സന്ദേശമാണ് സിപിഎം നല്‍കുന്നതെന്ന് പ്രതിപക്ഷ നേതാവ് രമേശ് ചെന്നിത്തല. രാഹുല്‍ ഗാന്ധി മത്സരിക്കുകയാണെങ്കില്‍ സ്ഥാനാര്‍ഥിയെ പിന്‍വലിക്കാന്‍ ഇടതുപക്ഷം തയ്യാറാകുമോയെന്നും ചെന്നിത്തല ചോദിച്ചു. രാഹുല്‍ ഗാന്ധി വയനാട്ടില്‍ മത്സരിക്കുന്നതിനെ കഴിഞ്ഞ ദിവസം വിമര്‍ശിച്ച മുഖ്യമന്ത്രി പിണറായി വിജയന് മറുപടി നല്‍കുകയായിരുന്നു അദ്ദേഹം. ഇടതുപക്ഷത്തിനെതിരെ മത്സരിക്കുന്നതിലൂടെ രാഹുല്‍ എന്ത് സന്ദേശമാണ് ദേശീയ രാഷ്ട്രീയത്തില്‍ നല്‍കുന്നതെന്നായിരുന്നു മുഖ്യമന്ത്രി ചോദിച്ചത്.