മലപ്പുറത്ത് സ്കൂൾ ബസ് ഇറങ്ങി റോഡ് മുറിച്ച് കടക്കുന്നതിനിടയിൽ വിദ്യാർത്ഥിനി ഗുഡ്സ് ഓട്ടോ ഇടിച്ചു മരിച്ചു
- Published by:Naseeba TC
- news18-malayalam
Last Updated:
സ്കൂൾ ബസ്സിൽ നിന്ന് ഇറങ്ങി വാഹനത്തിനു പിന്നിലൂടെ റോഡ് മുറിച്ച് കടക്കുകയായിരുന്നു
താനൂർ: മലപ്പുറം താനൂരിൽ സ്കൂൾ ബസ് ഇറങ്ങി റോഡ് മുറിച്ച് കടക്കുന്നതിനിടയിൽ വിദ്യാർത്ഥി വാഹനമിടിച്ച് മരിച്ചു. താനൂര് തെയ്യാല പാണ്ടിമുറ്റത്ത് ഉച്ചയ്ക്ക് 12.30 ഓടെയാണ് അപകടം ഉണ്ടായത്. പാണ്ടിമുറ്റം സ്വദേശി വെളിയത്ത് ഷാഫിയുടെ മകള് ഷഫ്ന ഷെറിന് ആണ് മരിച്ചത്. താനൂര് നന്നമ്പ്ര എസ്.എന്. യുപി സ്കൂള് വിദ്യാര്ഥിനിയാണ്.
സ്കൂൾ ബസ്സിൽ നിന്ന് ഇറങ്ങി വാഹനത്തിനു പിന്നിലൂടെ റോഡ് മുറിച്ച് കടക്കുന്നതിനിടയിൽ എതിർ ദിശയിൽ നിന്ന് വന്ന ഗുഡ്സ് ഓട്ടോ ഇടിക്കുകയായിരുന്നു. ഗുരുതരമായി പരിക്കേറ്റ പെൺകുട്ടിയെ ആദ്യം തിരൂരങ്ങാടി താലൂക്ക് ആശുപത്രിയിലും പിന്നീട് സ്വകാര്യ ആശുപത്രിയിലും പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. മൃതദേഹം തിരൂരങ്ങാടി താലൂക്ക് ആശുപത്രി മോര്ച്ചറിയിൽ സൂക്ഷിച്ചിരിക്കുകയാണ്.
Also Read- തമിഴ്നാട്ടിൽ ഭാര്യയെയും 4 മക്കളെയും വെട്ടിക്കൊന്ന് ഗൃഹനാഥൻ ജീവനൊടുക്കി
കാസർഗോഡ് ഉണ്ടായ മറ്റൊരു അപകടത്തിൽ, രണ്ടുവയസുകാരന് മാലിന്യ ടാങ്കില് വീണ് മരിച്ചു. കാസർഗോഡ് ഉപ്പള മുസ്തഫ മന്സിലില് അബ്ദുല് സമദിന്റെ മകന് ഷെഹ്സാദ് ആണ് മരിച്ചത്. ഇന്ന് ഉച്ചക്ക് ഒരു മണിയോടെയായിരുന്നു സംഭവം. വീടിന്റെ പിറകുവശത്തുള്ള ഡ്രെയിനേജ് ടാങ്കില് ഷെഹ്സാദ് വീണത്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
December 14, 2022 5:35 PM IST
മലയാളം വാർത്തകൾ/ വാർത്ത/Malappuram/
മലപ്പുറത്ത് സ്കൂൾ ബസ് ഇറങ്ങി റോഡ് മുറിച്ച് കടക്കുന്നതിനിടയിൽ വിദ്യാർത്ഥിനി ഗുഡ്സ് ഓട്ടോ ഇടിച്ചു മരിച്ചു
