വളാഞ്ചേരിയിൽ മഞ്ഞ മഴ! കൗതുകവും ആശങ്കയുമായി പ്രദേശവാസികൾ

മഴയിൽ റോഡരികിൽ നിർത്തിയിട്ട വാഹനങ്ങളിലെല്ലാം മഞ്ഞ തുള്ളികൾ പതിച്ചതായി കാണുകയായിരുന്നു. വളാഞ്ചേരിയിലെ ടാക്സി ഡ്രൈവർമാരാണ് ഈ കൗതുക കാഴ്ച മറ്റുള്ളവരുടെ ശ്രദ്ധയിൽപ്പെടുത്തിയത്.

കളർ മഴ പെയ്തതിനു കാരണം കാലാവസ്ഥ വ്യതിയാനം ആണെന്ന് ചിലർ അഭിപ്രായപ്പെടുന്നു. 2021 നവംബർ 9 നാണ് മുൻപ് ഈ പ്രതിഭാസം പ്രദേശത്ത് രൂപപ്പെട്ടിരുന്നത്. പിന്നീട് 2 വർഷത്തിനു ശേഷമാണ് ജനങ്ങളിൽ ആശങ്ക പടർത്തി കളർമഴ വീണ്ടും ഉണ്ടായത്. അന്നുള്ളതിനേക്കാൾ കൂടുതൽ അളവിൽ കളർ മഴ പെയ്തതായി കണ്ടുനിന്നവർ പറയുന്നു.