വയനാട്ടിൽ മദ്യപിച്ച് ഭാര്യയേയും മക്കളേയും അമ്മയേയും മർദിച്ച യുവാവിനെ അടിച്ചുകൊന്ന സഹോദരൻ പൊലീസിൽ കീഴടങ്ങി

വയനാട്: മദ്യപിച്ച് ഭാര്യയേയും മാതാവിനേയും മക്കളേയും മർദിച്ച യുവാവിനെ സഹോദരൻ അടിച്ചു കൊന്നു. വയനാട് വാളാടാണ് സംഭവം. എടത്തന വേങ്ങണ മുറ്റം ജയചന്ദ്രൻ (41)സഹോദരന്റെ അടിയേറ്റ് മരിച്ചത്.

Also Read- പത്തനംതിട്ടയിൽ വീട്ടിനുള്ളിൽ ദമ്പതികൾ തൂങ്ങിമരിച്ച നിലയിൽ‌‌

സ്ഥിരം മദ്യപാനിയായിരുന്ന ജയചന്ദ്രൻ കഴിഞ്ഞദിവസം രാത്രി മദ്യപിച്ച് വീട്ടിലെത്തി ഭാര്യയെയും മാതാവിനെയും കുട്ടികളെയും മർദിക്കുകയായിരുന്നു. ഇത് തടയാൻ ശ്രമിക്കുന്നതിനിടയിൽ സഹോദരൻ രാമകൃഷ്ണന്റെ അടിയേറ്റാണ് ജയചന്ദ്രൻ മരിച്ചത്.

തുടർന്ന് രാമകൃഷ്ണൻ പൊലീസിൽ കീഴടങ്ങി.