മലപ്പുറം മഞ്ചേരിയിൽ ചെറിയ പെരുന്നാളിന് ഈദ് ഗാഹിനായി പള്ളിയങ്കണം തുറന്നുനൽകി CSI ചർച്ച്

മലപ്പുറം: ചെറിയ പെരുന്നാള്‍ ദിവസം ഈദ് ഗാഹിനായി പള്ളിയങ്കണം തുറന്നുകൊടുത്ത് മഞ്ചേരിയിലെ സിഎസ്ഐ നിക്കോളാസ് മെമ്മോറിയല്‍ ചര്‍ച്ച്. തൊട്ടടുത്തുള്ള സര്‍ക്കാര്‍ യു പി സ്‌കൂള്‍ ഗ്രൗണ്ടിലായിരുന്നു വര്‍ഷങ്ങളായി ഈദ് ഗാഹ് നടന്നുവന്നിരുന്നത്. ലോക്‌സഭാ തെരഞ്ഞെടുപ്പിന്റെ പഞ്ചാത്തലത്തില്‍ സ്‌കൂള്‍ അങ്കണത്തില്‍ ഈദ് ഗാഹ് നടത്താന്‍ സാധിക്കാതിരുന്നതിനാലാണ് മറ്റൊരു വേദി കണ്ടത്തേണ്ടിവന്നത്. ബുധനാഴ്ച നടന്ന പെരുന്നാള്‍ നമസ്‌കാരത്തില്‍ സ്ത്രീകള്‍ ഉൾപ്പെടെ ആയിരങ്ങള്‍ പങ്കെടുത്തു.