• News
  • Mission Paani
  • Sports
  • Films
  • Gulf
  • Life
  • Career
  • Crime
  • Photos
  • Video
  • Buzz
  • Live TV

മറിയം ത്രേസ്യയെ വിശുദ്ധയായി പ്രഖ്യാപിച്ചതിന്റെ ആഹ്ളാദത്തിൽ ജന്മനാട്

മറിയം ത്രേസ്യയെ വിശുദ്ധയാക്കിയതിലുള്ള നന്ദി പ്രകടനമായിരുന്നു ചടങ്ങ്.

News18 Malayalam | news18-malayalam
Updated: November 16, 2019, 11:27 PM IST
മറിയം ത്രേസ്യയെ വിശുദ്ധയായി പ്രഖ്യാപിച്ചതിന്റെ ആഹ്ളാദത്തിൽ ജന്മനാട്
വിശുദ്ധ മറിയം ത്രേസ്യ
  • Share this:
തൃശ്ശൂർ : ഹോളി ഫാമിലി സന്യാസിനി സമൂഹം സ്ഥാപക മറിയം ത്രേസ്യയെ വിശുദ്ധയായി പ്രഖ്യാപിച്ചതിന്റെ ആഘോഷ പരിപാടികൾ ജന്മനാട്ടിൽ നടന്നു. മാള കുഴിക്കാട്ടുശേരിയിൽ നടന്ന ആഘോഷ പരിപാടികളിൽ ആയിരക്കണക്കിന് വിശ്വാസികൾ പങ്കെടുത്തു. മറിയം ത്രേസ്യയെ വിശുദ്ധയായി പ്രഖ്യാപിക്കുമ്പോപോൾ സഭയിലെ പ്രധാന വ്യക്തിത്വങ്ങൾ എല്ലാം റോമിലായിരുന്നു. അതിനാലാണ് ജന്മമനാട്ടിൽ വിപുലമായ ആഘോഷ പരിപാടികൾ നടന്നത് .

Also Read- Breaking: തിരുവനന്തപുരത്തേക്കുള്ള കേരള എക്സ്പ്രസ് ആന്ധ്രാപ്രദേശിൽ പാളം തെറ്റി; ആളപായമില്ല

മറിയം ത്രേസ്യയെ വിശുദ്ധയാക്കിയതിലുള്ള നന്ദി പ്രകടനമായിരുന്നു ചടങ്ങ്. കുഴിക്കാട്ടുശ്ശേരിയിലെ കബറിട ദേവാലയത്തിലേക്ക് വിശ്വാസികൾ പ്രാർത്ഥനാ നിർഭരമായ മനസോടെ ഒഴുകി എത്തി. കബറിടത്തിൽ പ്രാർത്ഥിച്ചും കുർബാനയിൽ പങ്കെടുത്തും സ്വദേശത്തു നിന്നും വിദേശത്ത് നിന്നും എത്തിയവർ ആഘോഷത്തിൽ പങ്കാളികളായി. ആഘോഷത്തിന്റെ ഭാഗമായി പ്രത്യേക കുർബാനയും കൃതജ്ഞതാബലിയും പൊതുസമ്മേളനവും നടന്നു. കൃതഞ്ജതാബലിക്ക് സീറോ മലബാർ സഭ ആർച്ച് ബിഷപ്പ് മാർ ജോർജ് ആലഞ്ചേരി നേതൃത്വം നൽകി.

തുടർന്ന് നടന്ന സമ്മേളനം കാത്തലിക് ബിഷപ്പ് കോൺഫ്രൻസ് പ്രസിഡണ്ട് കർദ്ദിനാൾ ഓസ്വാൾഡ് ഗ്രേഷ്യസ് ഉദ്ഘാടനം ചെയ്തു. വത്തിക്കാനിലെ ചടങ്ങുകൾക്ക് ശേഷം വിശുദ്ധരാക്കപ്പെടുന്നവരുടെ രാജ്യത്ത് നടക്കുന്ന ഏറ്റവും വലിയ ചടങ്ങാണ് കുഴിക്കാട്ടുശേരിയിൽ നടന്നത്. മന്ത്രി വി എസ് സുനിൽ കുമാർ,ജസ്റ്റിസ് കുര്യൻ ജോസഫ്, ടി എൻ പ്രതാപൻ, ബെന്നി ബെഹ്നാൻ, വി ഡി സതീശൻ തുടങ്ങിയവർ പങ്കെടുത്തു.
First published: November 16, 2019
കൂടുതൽ കാണുക
അടുത്തത് വാര്‍ത്തകള്‍