'മുൻ ​ഗവർണറെക്കാൾ കടുത്ത രീതിയിലാണ് ഇപ്പോഴത്തെ ​ഗവർണർ പെരുമാറുന്നത്': ആർ.ബിന്ദു

കോട്ടയം: ​ഗവർണർ രാജേന്ദ്ര ആർലേക്കറിനെ വിമർശിച്ച് ഉന്നത വിദ്യാഭ്യാസ മന്ത്രി ഡോ.ആർ ബിന്ദു. മുൻ ​ഗവർണറെക്കാൾ കടുത്ത രീതിയിലാണ് ഇപ്പോഴത്തെ ​ഗവർണർ പെരുമാറുന്നതെന്ന് മന്ത്രി പറഞ്ഞു. സർവകലാശാല ഭരണസമിതി എന്നനിലയിൽ സിൻഡിക്കേററിന് നിഷിപ്തമായിട്ടുള്ള അധികാരമുണ്ട്. എല്ലാവർക്കുമുള്ള അധികാരങ്ങളും ചുമതലകളും വ്യക്തമായി നിർവചിച്ചിട്ടുള്ള നിയമവുമുണ്ട്. അതനുസരിച്ച് എല്ലാവരും ചുനതല വ​ഹിച്ചാൽ പ്രശ്നം തീരും. അതിനപ്പുറമുള്ള കടന്നുകയറ്റമാണ് പ്രശ്നം ഉണ്ടാക്കുന്നതെന്ന് മന്ത്രി വ്യക്തമാക്കി.